باندێکی دزینی جەنتای ژنان دەستگیرکران

هەواڵ / کوردستان :: 23/06/2019‌ :: 391‌ جار بینراوە

دواڕۆژ، عیماد جەباری


پۆلیسی کەرکوک دەستگیرکردنی باندێکی راگەیاند کە تایبەتمەندن بە دزینی جەنتای ژنان و هەڵکوتانە سەر ماڵان.


بەڕێوەبەرایەتی پۆلیسی کەرکوک لەراگەیاندراوێکدا کە وێنەیەکی بۆ دواڕۆژ ناردووە بڵاویکردەوە: هێزەکانیان دوو تۆمەتباریان دەستگیرکردوە بەناوەکانی ( ب.م.ت) و (ه.م.ت) کە چەند تاوانێکی هەڵکوتانە سەر ماڵانیان ئەنجامداوە و تایبەتمەندبوونە بەدزینی جانتای ژنان لەگەڕەکی رەحیماوا.

بەپێی راگەیاندراوەکە، لەکاتی دەستگیرکردنی تۆمەتبارەکاندا دەستگیراوە بەسەر ئۆتۆمبێلێک و کۆمەڵێک چەک و مۆبایل کە لەتاوانەکانیاندا بەکاریانهێناوە.

پۆلیسی کەرکوک ئەوەشی خستوەتەڕوو کە لەلایەن دادوەرەوە دانپێدانانی تۆمەتبارەکان پەسەندکراوە و بەپێی مادەی 443 ی یاسای سزادانی عێراقی خراونەتە زیندانەوە.

پ: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure