رووداوێکی هاتۆچۆ سێ قوربانی لێکەوتەوە کە دوانیان هاوسەری یەکترن

هەواڵ / کوردستان :: 21/06/2019‌ :: 651‌ جار بینراوە

دواڕۆژ، عەلی حەمەسەعید


ئه‌مشه‌و هه‌ینى 21ى حوزه‌یران، لەسەر رێگای سەیرانگای ئەحمەدئاوا  - گوندی زەڵم لەئەنجامی وەرگەڕانی ئۆتۆمبێلێکی جۆری تۆیۆتا لاندکروزەر ژنێک گیانی لەدەستدا و پیاوێکیش بەسەختی برینداربوو کە هاوسەری یەکترین.

ڕائید بەرزان عوسمان، وتەبێژی بەڕێوەبەرایەتی پۆلیسی پارێزگای هەڵەبجە بە دواڕۆژ-ی راگەیاند: "کەمێک لەمەوبەر لەسەر رێگای سەیرانگای ئەحمەد ئاوا - گوندی زەڵم لەئەنجامی وەرگەڕانی ئۆتۆمبێلێکی جۆری تۆیۆتا لاندکروزەر ژنێک گیانی لەدەستدا و پیاوێکیش بەسەختی برینداربوو کە هاوسەری یەکترین، هاوکات سەرنشینێکی تریش برینداربووە".

وتیشى: "ئەو ژنەکەی کە گیانی لەدەستداوە تەمەنی 40 ساڵە، دانیشتوی ناحیەی خورماڵە و هاوسەری شۆفیرەکەیە".

وتەبێژی پۆلیسی پارێزگای هەڵەبجە ئەوەشی خستەڕوو: "بریندارەکان، رەوانەی نەخۆشخانەی فریاکەوتنی سلێمانی کران و  تەرمی ژنەکەش رەوانەی پزیشکی دادی هەڵەبجە کراوە، پەڕاوی لێکۆڵینەوەش لەبنکەی پۆلیسی خورماڵ بۆ روداوەکە كراوه‌ته‌وه‌".

پ: ئا.ح



created by Avesta Group and powered by Microsoft Azure