ژبه‌ر تێكدانا ژینگه‌هێ 4 سنێله‌ هاتنه‌ ده‌سته‌سه‌ركرن

هەواڵ / کوردستان :: 21/06/2019‌ :: 150‌ جار بینراوە

دواڕۆژ، بورهان یه‌حیا

فه‌رمانگه‌ها ژینگه‌ها دهۆك راگه‌هاند: چار سنێله‌یێن سنۆرێ ده‌ڤه‌ردارییا زاخۆ ژبه‌ر تێكدانا پاركه‌كا گشتى هاتینه‌ ده‌سته‌سه‌ركرن.

محه‌مه‌د تاهر بریفكانى رێڤه‌به‌رێ فه‌رمانگه‌ها ژینگه‌ها دهۆك (ئه‌ڤرۆ ئه‌ینى 21 حۆزه‌یران 2019) بۆ دواڕۆژ دیاركر: "د كامیره‌یێن چاڤدێریێ یێن پاركه‌كا گشتى ل سه‌نته‌رێ باژێڕێ زاخۆ دیار دبیت كو 4 سنێله‌ بۆ خۆشیا خۆ كۆرسى و مێز و كه‌رسته‌یێن دى یێن پاركى دشكێنن و ژناڤ دبه‌ن و پشتى باژێڕڤانییا زاخۆ دووڤچۆنا بابه‌تى كرى و ئه‌و كه‌س هاتینه‌ نیاسین و ده‌ستنیشانكرن هاتنه‌ ده‌سته‌سه‌ركرن و راده‌ستى دادگه‌هێ بووینه‌".

خویاكر: "ب گۆره‌ى رێنوما و قانوونێن پاراستنا ژینگه‌هێ ئه‌ڤ كه‌سانێن جهێن گشتى تێك دده‌ن دهێنه‌ ده‌سته‌سه‌ركرن و دووڤدا دێ داخواز ژێ هێته‌كرن وان زیانان هه‌موویان قه‌ره‌بوو بكه‌ن و دێ كۆژمه‌یه‌كێ پاره‌ى ژى ناڤبه‌را 500 هزار هه‌تا 8 ملیۆنان ژێ هێنه‌ وه‌رگرتن و ئه‌ڤه‌ ب گۆره‌ى راپۆرتا لژنه‌یا دووڤچۆنێ دێ هێته‌ ده‌ستنیشانكرن".

دیاركر: "د روودانه‌كا دى دا كه‌سه‌ك ل زاخۆ هاتییه‌ ده‌سته‌سه‌ركرن كو ئاگر به‌ردایه‌ ژینگه‌هێ و پارێزه‌رێ فه‌رمانگه‌ها ژینگه‌ها دهۆك به‌ره‌ڤ زاخۆ چۆیه‌ بۆ هندێ ب رێیا به‌ندێن قانوونى ئه‌و كه‌س بهێته‌ سزدان، لێ چونكو ب نڤیسارا فه‌رمى هاتبوویه‌ ئاگه‌هداركرن له‌وا شیان ب رێیا پارێزه‌رى دووڤچۆنا بابه‌تى بكه‌ین".



  • ڕۆژ
  • هەفتە
  • مانگ
created by Avesta Group and powered by Microsoft Azure