ئۆپۆزسیۆنى سوریا فرۆکەیەکى بێفرۆکەوانی خستەخوارەوە

هەواڵ / جیهان :: 20/06/2019‌ :: 163‌ جار بینراوە

تاگ :: سوريا

دواڕۆژ

سەرچاوەیەک لە ئۆپۆزسیۆنى سوریا ئاشکرای کرد کە فرۆکەیەکى بێفڕۆکەوانی سوپاى سوریایان لە شارى ئیدلب خستۆتەخوارەوە.


لەوبارەیەوە سەرچاوەکە بە رەئی ئەلیەومی راگەیاندووە "دوێنێ شەو ئەو فرۆکەیە لە ئاسمانى ریفى ئیدلب سوڕاوەتەوەو دەستەى تەحریرى شام بە کاتیۆشایەکى تورکى خستوویانەتە خوارەوە".

لاى خۆشییەوە سەرکردەیەکى سەربازیى لە جەبهەى نیشتمانى تەحریرى سەر بە سوپاى سوریاى ئازاد ئاشکرایکرد: کە هێزەکانى عومەر بن خەتاب کە سەر بە دەستەى تەحریرى شامە (جەبهەى نوسڕە) ئەو فرۆکەیەیان پێکاوەو بینراوە کە دوکەڵى لێبەرزبۆتەوە، بەڵام نازاندرێت بەربۆتەوە یاخود توانیویەتى خۆى بگەێنێتە فرۆکەخانەى (حوماى سەربازى).

ئەمەش لەکاتێکدایە، کە دوێنێ ناوچەکانى ریفى ئیدلب لەلایەن فرۆکەکانى سوپاى سوریا و رووسییەکانەوە بە چڕى بۆردومان کراوەو لە ئەنجامدا 17 هاووڵاتى مەدەنى و 11 سەرباز بوونەتە قوربانیى.

و: ئاکۆ زەنگەنە
پێداچوونه‌وه‌و بڵاوكردنه‌وه‌: ئیحسانی مه‌لا فوئاد



  • ڕۆژ
  • هەفتە
  • مانگ
created by Avesta Group and powered by Microsoft Azure