بۆچی شاناهان نەبوو بە وەزیری بەرگری ئەمریكا؟

هەواڵ / جیهان :: 20/06/2019‌ :: 264‌ جار بینراوە

دواڕۆژ

پاتریك شاناهان كە لە مانگی كانوونی دووەمی ڕابردووەوە كاروباری پێنتاگۆنی بەڕێوە دەبرد، پاش دەست لەكاركێشانەوەی ( جەیمس ماتیس) پاڵێوراوێكی بەهێز بوو كە بە ڕەسمی ببێتە وەزیری بەرگری ویلایەتە یەكگرتووەكان، بەڵام ئەوە ڕووی نەدا و كەسێكی تر دەستنیشانكرا.

دۆناڵد ترامپ سەرۆكی ئەمریكا لە پێگەی تایبەتی خۆی لە تویتەر نوسیویەتی شاناهان كە ئەركەكانی سەرشانی بەڕێوە دەبرد بڕیاری دا چیتر بەردەوام نەبێت و ڕازی نەبوو بكرێت بە وەزیر، چونكە دەیەوێت كاتێكی زۆرتر لەگەڵ خێزانەكەیدا بەسەر ببات.

ڕاپۆرتە ئیعلامییەكانی ئەمریكا دەڵێن "كێشەیەكی توندوتیژی خێزانی كە 9 ساڵ لەمەوبەر ڕوویداوە ڕێگر بووە لەوەی شاناهان خۆی بپاڵێوێت بۆ گەورەترین پۆستی پێنتاگۆن".

ڕۆژنامەی (یو ئێس ئەی تودەی) دەڵێت "نوسینگەی (ئیف بی ئای) لێكۆڵینەوە دەكات لەكێشەیەكی كۆندا لەنێوان شاناهان و هاوژینەكەی كە یەكتر تۆمەتبار دەكەن بە لێدانی ئەوی دیكە، ڕۆژنامەكە دەڵێت "پاش ئەو ڕووداوە هاوسەرەكەی شاناهان دەستگیركراوەو دواتر ئازادكراوە".

پێداچوونەوە: ئارام غەفور 

بڵاوكردنه‌وه‌: ئیحسانی مه‌لا فوئاد



created by Avesta Group and powered by Microsoft Azure