دهۆك: تابلۆیێن تایبه‌ت ب گه‌شتكرنێ ب مه‌رج دهێنه‌ ده‌رئێخستن

هەواڵ / ئابوری :: پێش 4 هەفتە ‌ :: 190‌ جار بینراوە

تاگ :: ئابوری

دواڕۆژ، بورهان یه‌حیا

رێڤه‌به‌رییا هاتنوچۆنا پارێزگه‌ها دهۆك ب چه‌ند مه‌رج و رێنومایان ژماره‌یێن به‌روه‌خت یێن گه‌شتكرنێ دده‌ته‌ شۆفێران كو تایبه‌تێن ب ده‌رڤه‌ى وه‌لاتى.

ئازاد تاها، به‌رپرسێ راگه‌هاندنا رێڤه‌به‌رییا هاتنوچۆنا پارێزگه‌ها دهۆك (ئه‌ڤرۆ پێنجشه‌مب 20 حۆزه‌یران 2019) بۆ دواڕۆژ رۆهنكر: "هه‌ر شۆفێره‌كێ لبه‌ر بیت گه‌شته‌كا ده‌رڤه‌ى وه‌لاتى ب ترومبێلا خۆ بكه‌ت دشێت داخوازییه‌كێ پێشكێشى رێڤه‌به‌ریێ بكه‌ت بۆ هندێ تابلۆیه‌كا بچووك یا تایبه‌ت گه‌شتكرنێ وه‌ربگریت كو بتنێ بۆ ده‌رڤه‌ى وه‌لاتییه‌ و نابیت ل ناڤ هه‌رێمێ كار پێ بهێته‌كرن و مه‌رجێن سه‌ره‌كى ژى ئه‌وه‌ پاسه‌پۆرت و مۆله‌تا ده‌رئێخستنا ترومبێلێ هه‌بیت و پشتى برێڤه‌برنا چه‌ند مامه‌له‌یان و تژیكرنا سۆزنامه‌كێ كو پشتى زڤرینێ دێ وێ ژماره‌یێ بۆ رێڤه‌به‌ریێ زڤرینیت ئێدى دێ كار بۆ پێدانا ژماره‌یه‌كێ بۆ وى شۆفێرى ده‌ستپێكه‌ت".

خویاكر: "شێواز و قه‌باره‌یێ ڤان ژماره‌یێن ترومبێلێ دگه‌ل یێن ناڤخۆ جودانه‌ بۆ نموونه‌ ره‌نگێ وێ شینه‌ و نڤیسین ب لاتینییه‌ و مه‌رج ژى ئه‌وه‌ پشتى زڤرینێ ژ ده‌رڤه‌ى وه‌لاتى ب چ ره‌نگان ل ناڤخۆ كار پێ نه‌كه‌ت و دووباره‌ بۆ رێڤه‌به‌رییا هاتنوچۆنێ بزڤرینیت".

پ: چ.ع



  • ڕۆژ
  • هەفتە
  • مانگ
created by Avesta Group and powered by Microsoft Azure