ئەردۆغان: سەرۆکی شارەوانی ئیستەنبوڵ پیاوی گولەن-ە

هەواڵ / جیهان :: پێش 4 هەفتە ‌ :: 351‌ جار بینراوە

تاگ :: تورکیا

دواڕۆژ


سەرۆك كۆماری توركیا سەرۆكی شارەوانی ئیستەنبوڵ بەوە تۆمەتبار دەكات كە پیاوی (فەتحوڵا گولەن)ە و لە کودەتا شکشتخواردووەکەی ساڵی 2016 بەشداری کردووە.

دوێنێ (سێشەممە 18ی حوزەیرانی 2019 ) رەجەب تەیب ئەردۆغان پێش دووبارەکردنەوەی هەڵبژاردنەکان هێرشی کردە سەر ئەكرەم ئیمامئۆغڵۆ سەرۆکی شەرەوانی نوێی ئیسستەنبوڵ و بەوە تاونباری کرد هاوپەیمانی لەگەڵ کەسایەتی ئاینی ئۆپۆزسیۆن (فەتحوڵا گولەن) هەبووە و لە کودەتا شکشتخواردووەکەی ساڵی 2016 بەشداری کردووە.

لەوبارەیەوە ئەردۆغان لە گەڕەکی سوڵتان غازی لە ئیستەنبووڵ لەسەر پاسێک بۆ جەماوەرەکەی دوا و وتی: "ئیمامئۆغڵۆ سەر بەكێیە؟ ئەو دارودەستەی فەتحوڵا گولەن-ە!

لای خۆشییەوە ئیمامئۆغڵۆ رۆژی 16ی حوزەیرانی ئەمساڵ لە تویتێکدا ئەردۆغانی بەدرۆزن وەسف کرد و ئەو هەواڵەی رەتکردەوە، کە دەستی لەو کودەتایە هەبوبێت، وتی: "پێویستە لەسەر تورکیا ئاشتی و دیموکراتی بەرقەرار بکات، تاکو چیتر کودەتای لەوشێوەیە نەکرێت بەسەریدا".

ئەمەش لەکاتێکدایە کە پارتی داد و گەشەپێدان لە هەڵبژاردنەکانی سەرۆکی شارەوانی ئیستەنبوڵ کە لە 31ی ئازاری رابوردوو  ئەنجامدرا، ئەردۆغان گەورەترین شکستی هێنا لەوەتەی لەساڵی 2002 دەسەڵاتی ئەو وڵاتەی گرتۆتە دەست.

پاش تانە گرتنیش لەئەنجامەكانی هەڵبژاردن لەو شارەی توركیا، كۆمسیۆنی هەڵبژاردنەكان رۆژی 23ی ئەم مانگەی دیاریكرد بۆ دووبارەكردنەوەی هەڵبژاردن لەو شارە گەورەیەی توركیا.

وە: ئاکۆ زەنگەنە
بڵاوکردنەوە: ئارام غەفور



  • ڕۆژ
  • هەفتە
  • مانگ
created by Avesta Group and powered by Microsoft Azure