هەر خێزانەکا ئاوارە دێ ملیۆنەک و پێنجسەد هزار دیناران وەرگریت

هەواڵ / کوردستان :: پێش 4 هەفتە ‌ :: 244‌ جار بینراوە

تاگ :: دهۆك

دواڕۆژ؛ بورهان یەحیا

وەزیرێ کۆچ و کۆچبەرێن ئیراقێ راگەهاند؛ بڕیار هاتییەدان هەر خێزانەکا ئاوارە دێ یەک ملیۆن و ٥٠٠ دیناران وەرگریت.


موسلح قادر بەرپرسێ راگەهاندنا کارگێرییا پارێزگەها دهۆک (ئەڤرۆ چارشەمب ۱۹ حۆزەیران ۲۰۱۹) بۆ دواڕۆژ رۆهنکر" د سەرەدانەکێ دا وه‌زیرێ‌ كۆچ و كۆچبه‌رێن حوکمه‌تا ئیراقا فیدرال (نەوفال بەهاو) سەرەدانا پارێزگەها دهۆک کرییە و راگەهاند ب بڕیارا سەرۆک وەزیران ل دهۆکێ ینە و ژ نێزیک دێ ئاگەهداری رەوشا ئاوارە و پەنابەران بین و ل رۆژانێن بهێت ب گۆرەی بڕیارا وەزارەتا کۆچ دێ کۆژمەیێ ۱۵۰۰۰۰۰ دیناران ل سەر هەر خێزانەکا ئاوارە بەلاڤ کەین و ئاگەهدارین کو هاتنا گه‌له‌ك ئاوارەیان بۆ سنۆرێن پارێزگه‌هێ‌ فشاره‌كا مه‌زن ئێخستیه‌ سه‌ر هه‌موو سه‌كته‌رێن خزمه‌تكاری".

خویاکر" پشتی ده‌ڤه‌رێن ل ژێر ده‌ستێ‌ چەکدارێن داعش  ژلایێ‌ سۆپایێ‌ ئیراقێ‌ و هێزێن پێشمه‌رگه‌ی هاتینه‌ رزگاركرن رێك بۆ ڤه‌گه‌ریانا ژماره‌كا زۆر یا ئاواره‌یان هاتییه‌ خوشكرن و هنده‌ك زڤرینه‌ سه‌ر مالێن  خۆ هه‌روه‌سا هنده‌ك ژی ماینه‌".

موسلح قادر ئاماژەکر" وەزارەتێ پرۆژه‌یەك هەیە رێكێ‌ لبه‌ر ڤه‌گه‌ریانا ئاوارەیان خۆش بکەت و پێدڤیێن وان یێن ژیانێ‌ ل باژێرێن وان بۆ دابین بكه‌ت بۆ وێ‌ یه‌كێ‌ ب ئارامی ڤه‌گه‌رنه‌ سه‌ر جهێن خو".

 هه‌تا نوكه‌ ٢١ كه‌مپێن  ئاواره‌ و په‌نابه‌ران هه‌نه‌ و پتر ژ ٤٢ هزار خێزانان  دناڤ دا دژین و ژ ڤێ‌ ژمارەیێ پتر ژی ل ده‌رڤه‌ی كه‌مپا دژین و ئه‌ڤ سه‌رۆبه‌ره‌ دخوازیت كو هاریكارییا وان پتر بهێته‌ كرن.

بڵاوکردنەوە: ئارام غەفور



  • ڕۆژ
  • هەفتە
  • مانگ
created by Avesta Group and powered by Microsoft Azure