ئێزدیێن كه‌مپا هۆلێ ژ ترسێن ژنێن داعش خوه‌ ئاشكه‌را ناكه‌ن

هەواڵ / کوردستان :: 16/06/2019‌ :: 150‌ جار بینراوە

تاگ :: شەنگال

دواڕۆژ، دهۆك


هه‌ر چه‌ند رۆژان، ژماره‌كا كچ و ژنێن ئێزدى ل كه‌مپا (هۆلێ) ل وه‌لاتێ سوریایێ دهێنه‌ دیتن و ئازادكرن و پاشى دگه‌هن شنگال، رێڤه‌به‌را وێ كه‌مپێ ژى دبێژیت: ئه‌و ئێزدى ژ ترسێن ژنێن داعش خوه‌ ئاشكه‌را ناكه‌ن.

دڤێ هه‌فتیێ دا، 2 كچێن ئێزدى ل كه‌مپا هۆلێ ژ ئالیێ رێڤه‌به‌رێن كه‌مپێ و مالا ئێزدییان ل رۆژئاڤایێ كوردستانێ هاتن دیتن و رزگاركرن.

ماجیده‌ ئه‌مین، رێڤه‌به‌را كه‌مپا هۆلێ بۆ دواڕۆژ گۆت: "گه‌له‌ك جاران تیمێن وان یێن لێگه‌ریانێ ل كه‌مپا هۆلێ ل كچ و ژنێن ئێزدى گه‌ر‌یاینه‌، لێ كچ و ژنێن ئێزدى تا نوكه‌ ترس ژ ژنێن داعشان هه‌یه‌ و نه‌وێرن خوه‌ شاكه‌راكه‌ن".

ناڤبۆریێ دازانین: "ده‌مێ ئه‌و ئێزدییان ل كه‌مپێ دبینن پرسیار ژێدكه‌ن، بۆچى تا نوكه‌ خوه‌ ئاشكه‌رانه‌كریه؟. ئه‌و دبێژن: ئه‌م ژ ژنێن داعش دترسییاین، ئه‌گه‌ر مه‌ خوه‌ ئاشكه‌راكربا ئه‌و دا مه‌كۆژن".

رێڤه‌به‌را كه‌مپا هۆلێ ئینازمان: "ئه‌و كچ و ژنێن ئێزدى یێن خوه‌ ئاشكه‌را دكه‌ن، ب رێیێن نه‌راسته‌خۆ یان ب نهێنى كارمه‌ندێن كه‌مپێ ئاگه‌هداردكه‌ن كو ئه‌و ئێزدینه‌ و داخوازا هاریكاریێ و رزگاركرنێ دكه‌ن".

زه‌لالكر: "ئه‌و پێشبینى دكه‌ن گه‌له‌ك كچ و ژنێن ئێزدى دناڤ كه‌مپێدا مابن‌، لێ ئه‌و ژبه‌ر ژنێن داعش نه‌وێرن مه‌ ئاگه‌هداركه‌ن".

كه‌مپا هۆلێ، مه‌زنترین كه‌مپا ژێر ده‌ستهه‌لاتا رێڤه‌به‌ریا خوه‌سه‌ر یا باكو و رۆژهه‌لاتێ سوریایێ یه‌، نێزیكى 60 كه‌سان تێدانه‌ كو پتریا وان خێزانێن داعش-ن.
 
پ: ئا.ح



  • ڕۆژ
  • هەفتە
  • مانگ
created by Avesta Group and powered by Microsoft Azure