ب کۆژمێ ٩ ملیار دیناران پرۆژەیێ پاقژکرنا زاخۆ دێ ھێتە ئەنجامدان

هەواڵ / ئابوری :: 16/06/2019‌ :: 174‌ جار بینراوە

دواڕۆژ، رەڤەند گوھەرزی

رێڤبەرێ راگەھاندنا باژێرڤانیێن پارێزگەھا دھۆکێ دیارکر، ب کۆژمێ ٩ ملیار دیناران پرۆژەیێ پاقژکرنا زاخۆ دێ ھێتە ئەنجامدان و تەندەرێ پرۆژەی بۆ پاقژکرنا ھەرسێ ناحیێن (ئیبراھیم خەلیل، دەرکار و باتیفا) بۆ ماوێ سێ سالان ھاتەکرن .

ئەمیر ئەترۆشی، رێڤبەرێ راگەھاندنا باژێرڤانیێن پارێزگەھا دھۆکێ بۆ دواڕۆژ راگەھاند:" (ئەڤرۆ  ئێکشەمبی ١٦ی حوزەیرانا ٢٠١٩) ل کۆچکا رێڤەبەریا گشتیا باژێرڤانیان ل پارێزگەھا دھۆکێ ئیمزا ل سەر تەندەرێ پرۆژەیێ پاقژکرنا قەزا زاخۆ بۆ ھەرسێ ناحیێن (ئیبراھیم خەلیل، دەرکار و باتیفا) بۆ ماوێ سێ سالان ھاتە کرن ".

گۆتژی:" تەندەرێ پرۆژەیێ پاقژکرنا سێ ناحیێن زاخۆ (ئیبراھیم خەلیل، دەرکار و باتیفا) ب کۆژمێ ٩ ملیار و ٨٧٣ ملیۆن دیناران ژلایێ رێڤەبەرێ گشتیێ باژێرڤانیان ل پارێزگەھا دھۆکێ و کۆمپانیا ھیزل ڤە ھاتە ئیمزاکرن. پشتی تەندەر ژلایێ پارێزگارێ دھۆکێ ڤە بۆ کۆمپانیا ھیزل کەفتی".

دیارکر ژی:" کۆژمێ نەھـ ملیار و ٨٧٣ ملیۆن دیناران ھاتیتە تەرخانکرن و بۆ ھەر مەھەکێ ٢٧٤ ملیۆن دینارن، پرۆژەیێ پاقژکرنا قەزا زاخۆ ل ١٢/٦/٢٠١٩ بۆ کۆمپانیا ھیزل ھاتیە رەوانەکرن و ل ١/٧/٢٠١٩ دێ دەست ب ئەنجامدانا پرۆژەی ھێتە کرن".

ئەمیر دازانین کو بەری نھا ھەیڤانە ٣٨٨ ملیۆن دینار ل پاقژکرنا زاخۆ دھاتنە مەزاختن، بەلێ ئەڤرو کۆژمە نھا کێمتر لێ ھاتیە و ئێدی ھەیڤانە دێ ٢٧٤ ملیۆن دینار ل پاقژکرنا زاخۆ ھێنە مەزاختن.


ُپێداچونه‌وه‌:هـ.ق 
بڵاوکردنەوە: ک. س



created by Avesta Group and powered by Microsoft Azure