سەندەی تایمز: بریتانیا 100 سەربازی تایبەت رەوانەی كەنداو دەكات

هەواڵ / جیهان :: 17/06/2019‌ :: 1549‌ جار بینراوە

تاگ :: جیهان

دواڕۆژ، ئازوو محەمەد


رۆژنامەی سەندەی تایمزی ئینگلیزی (رۆژی یەكشەممە 16ی حوزەیرانی 2019) بڵاویكردەوە: دوای هێرشەكانی ئەم دواییە بۆ سەر دوو كەشتی گوێزەرەوەی نەوت لە دەریای عوممان، بریتانیا 100 سەربازی تایبەت بەناوی گروپی 19، رەوانەی ئاوەكانی كەنداو دەكات.


رۆژنامەكە نووسیویەتی: ئەو هێزە تایبەتە لە بنكەیەكی نوێ لە بەحرەین، پاراستنی كەشتییە بریتانییەكانی لە ئاوەكانی كەنداو لە ئەستۆدا دەبێت.

 

جیرمی هانت، وەزیری دەرەوەی بریتانیا (رۆژی هەینی 14ی حوزەیران)، وتبووی: "سوپای پاسداران هێرشەكەی سەر دوو كەشتییە گوێزەرەوەكەی لە دەریای عوممان ئەنجامداوە و هیچ لایەنێكی دیكە بەرپرسی ئەو رووداوە نییە".

پێداچوونەوە: ئارام غەفور

بڵاوکردنەوە: چ.ع



created by Avesta Group and powered by Microsoft Azure