بڕیاری دەستگیرکردن بۆ راکان جبوری دەرچوو

هەواڵ / کوردستانی :: 16/06/2019‌ :: 12581‌ جار بینراوە

دواڕۆژ، عیماد جەباری


لەلایەن دادگای کەرکوکەوە فەرمانی دەستگیرکردن بۆ راکان جبوری پارێزگاری کاتی کەرکوک دەرچوو.

سەرچاوەیەک لەدادگای کەرکوک کە نەیویست ناوی ئاشکرا بکرێت( ئەمڕۆ یەکشەممە 16ی حوزەیران ) بەدواڕۆژی راگەیاند: لەلایەن دادگای کەرکوکەوە فەرمانی دەستگیرکردن بۆ راکان جبوری پارێزگاری کاتی کەرکوک دەرچووە.

رونیشیکردەوە: لەئێستادا ناوبراو شارەکەی بەرە و بەغدا بەجێهێشتوە تاوەکو پرسی دەستگیرکردنەکەی چارەسەربکات.

وتیشی: "فەرمانی دەستگیرکردنەکەی لەسەر چەند سکاڵایەکە و پاڵپشتە بەچەند بەڵگەنامەیەک کە دەیسەلمێنن راکان جبوری گەندەڵی کردووە".

بەوتەی ئەو سەرچاوەیەی دادگا، هەفتەی رابوردوو راکان جبوری سەردانی دادگای کەرکوکی کردووە و لەگەڵ سەرۆکی دادگا کۆبوەتەوە بۆ ئەوەی چاوپۆشی لە کێشەکەی بکرێت.
 پێشتریش فەرمانی دەستگیرکردن بۆ پارێزگاری کاتی کەرکوک دەرچوو، بەڵام بەبیانوی ئەوەی رێوشوێنە یاساییەکانی تەواو نەبووە، فەرمانەکە هەڵوەشێندرایەوە.



created by Avesta Group and powered by Microsoft Azure