داواکاری گشتی لەسەر بەلاڕێدابردنی پڕۆسەی تاقیکردنەوەکان هاتەدەنگ

هەواڵ / کوردستان :: پێش 2 هەفتە ‌ :: 835‌ جار بینراوە
هەندێ پەیجی ناڕەسمی هەڵساون بە بڵاوکردنەوەی هەواڵی ناڕاست فۆتۆ: حه‌مه‌سور

دواڕۆژ، کۆچەر عەلی

داواکاری گشتی هەرێم رایدەگەیەنێت: ئەو پەیجانەی هەواڵی ناڕاست لەسەر پڕۆسەی تاقیکردنەوەکان بڵاودەکەنەوە و خوێندكاران تووشی دڵەڕاوکێ دەکەن رێکاری یاسایی لە دژیان دەگرنەبەر.


بەپێی نوسراوی ژمارە (452) کە (ئەمڕۆ پێنجشەممە 13ى حوزەیرانی 2019) بڵاوکراوەتەوە تیایدا هاتووه‌: هەندێ پەیجی ناڕەسمی کە خۆیان دەناسێنن بەناوی پەیجی (زانکۆ لاین) و (فەیسبووکی پۆلی 12) هەڵساون بە بڵاوکردنەوەی هەواڵی ناڕاست و ساختە دەربارەی تاقیکردنەوەکان بۆ ئەوەی رۆشنایی بەردەم قوتابیان تاریک بکەن و دواڕۆژیان لێبشێوێنن و دڵەڕاوکێ لە نێو قوتابیان و خوێندکاران بڵاوبکەنەوە.

ئاماژە بەشکراوە: ئەو پەیجانەی ئەو جۆرە هەواڵانە بڵاودەکەنەوە پەیجی ناڕەسمین و هەموو رێکارێکی یاسایان بەرامبەر دەگرینەبەر وەکو ئەوەی لە رابردوودا کردوومانە و داواش لە قوتابیان دەکەین کە بە هیچ جۆرێک باوەڕ بەو پەیجانە نەکەن کە هەواڵی نادروست بڵاودەکەنەوە.

هەروەک داواش لە لایەنە پەیوەندیدارەکان کراوە: رێکاری یاسایی بگرنەبەر و رۆڵی خۆیان ببینن بەرامبەر ئەو دوو پەیجە ناڕەسمییە.

ده‌قى نوسراوه‌كه‌:

داڕشتنه‌وه‌: شیروان شه‌ریف



  • ڕۆژ
  • هەفتە
  • مانگ
created by Avesta Group and powered by Microsoft Azure