دیدارێكی دووڕۆژه‌ بۆ بێسارانی-ى شاعیر

هەواڵ / که‌لتور :: 6 رۆژ پێش ئێستا‌ :: 90‌ جار بینراوە

دواڕۆژ، عەلی حەمە سەعید

بە دروشمی(بێسارانی شاعیرێك پێش سەردەمی خۆی كەوتووە)، مەڵبەندی ڕۆشنبیریی هەورامان بەهەماهەنگی لەگەڵ بەڕێوەبەرایەتی گشتیی ڕۆشنبیری و هونەری هەڵەبجە و چەند لایەنێكی دیكەی پەیوەندیدار، ئەمڕۆ (پێنجشه‌ممه‌ 13ى حوزه‌یرانى 2019) یەكەمین دیداری بێسارانی بەڕێوەده‌بات كە دوو ڕۆژ دەخایەنێت.

ئەیوب ڕۆستەم، سەرپەرشتیاری دیداره‌كه‌ بە دواڕۆژی ڕاگەیاند: "ئامانجمان لە ڕێكخستنی ئەم دیدارە، ئاوڕدانەوه‌ی زیاترە لەو شاعیر و کەسایەتیانەی کە لەسەردەمی خۆیان و تائێستایش کاریگەرییان لەسەر ڕەوشی ڕۆشنبیری و هونەری کوردی هه‌بووه‌ و هه‌یه‌".

وتیشى: "دیدارەکە دوو ڕۆژ دەخایەنێت، ڕۆژی یەکەم چەندین وتە و لێکۆڵینەوە و بابەتی تایبەت بە بێسارانی پێشكه‌ش ده‌كرێن و بە سەدان کتێب بەسەر ئامادەبوانی دیدارەکەدا دابەشدەکرێت کە تایبەتن به‌ ژیان و سەرگوشتەکانی بێسارانیی شاعیر. رۆژى دووه‌میش چەند لێکۆڵینەوە و بابەتێکی دیکە پێشكه‌ش ده‌كرێن و خەڵاتی ڕێزلێنان و به‌شداریكردن، پێشکەش به‌ بەشدارانی دیدارەکە دەکرێت".

 

بڵاوکردنەوە: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure