عەرەبێكی هاوردە سكاڵای وەرگرتنەوەی زەوییەك لەهاوڵاتییەكی كورد دەدۆڕێنێت

هەواڵ / کوردستان :: 12/06/2019‌ :: 321‌ جار بینراوە

دواڕۆژ، عیماد جەباری


عەرەبێکی هاوردە سکاڵایەک لەدادگای تەمییزی ئیتیحادی لەبەغدا دەدۆڕێنێت کە لەدژی جوتیارێکی کوردی دانیشتووی گوندی یەنگیجە تۆماری کردبوو بۆ داواکردنەوەی زەوییە کشتوکاڵییەکەی.


بەپێی کۆنووسی بڕیارێکی دادگای تەمییزی ئیتیحادی لەبەغدا، مافی وەرگرتنەوەی زەوییەکی کشتوکاڵی نەدراوەتەوە بە عەرەبێکی هاوردە بەناوی (مزەحی جلعو جاسم)  کە سکاڵای دژی جوتیارێکی کورد تۆمارکردووە گوایە دەستی بەسەر زەوییەکەیدا گرتووە کە پانتاییەکەی 25 دۆنمە.

لەبڕیارەکەی دادگادا ئاماژە بۆ ئەوە كراوە، کە عەرەبەکە هاوردەیە و بەبنەچە دانیشتووی قەزای سامەڕای پارێزگای سەڵاحەدینە و گرێبەستە کشتوکاڵییەکەی بەپێی مادەی 140 هەڵوەشاوەتەوە.

ئەمەش لەکاتێکدایە ماوەی دوو ساڵە عەرەبە هاوردەکان بەپاڵپشتی پارێزگاری کاتی کەرکوک هەوڵی گەڕانەوە دەدەن بۆ سەر زەوی جوتیارانی کورد کە پێشتر رژێمی سەدام حسێن پێی بەخشیون.

پێداچوونەوە و بڵاوكردنەوە: ئارام غەفور 



  • ڕۆژ
  • هەفتە
  • مانگ
created by Avesta Group and powered by Microsoft Azure