ده‌ڤه‌رداریێن دهۆك دێ ب پلانا ستراتیژییا ساخله‌میێ كاركه‌ن

هەواڵ / کوردستان :: پێش 2 هەفتە ‌ :: 146‌ جار بینراوە

تاگ :: دهۆك

دواڕۆژ، بورهان یه‌حیا

رێڤه‌به‌رییا گشتییا ساخله‌مییا پارێزگه‌ها دهۆك بڕیار دایه‌ ب گۆره‌ى كاودانێن هه‌ر قه‌زایه‌كێ پلانا ستراتیژییا ساخله‌میێ بۆ بهێته‌ دانان و كار لسه‌ر جێبه‌جێكرنا وێ بهێته‌كرن.


حه‌مزه‌ محه‌مه‌دعه‌لى به‌رپرسێ راگه‌هاندنا رێڤه‌به‌رییا گشتییا ساخله‌مییا پارێزگه‌ها دهۆك (ئه‌ڤرۆ چارشه‌مب 12 حۆزه‌یران 2019) بۆ دواڕۆژ رۆهنكر"داخواز ژ هه‌موو رێڤه‌به‌ریێن كه‌رتێن ساخله‌میێ ل هه‌موو ده‌ڤه‌رداریێن سه‌ر ب پارێزگه‌ها هاتییه‌كرن كو هه‌ر ئێك ژوان كاودانێن خوه‌ ب هه‌لسه‌نگینیت و پلانه‌كا ستراتیژی بدانیت ل دۆر پێدڤیێن هه‌ر قه‌زایه‌كێ‌ ژ ئاڤاهی و پێدڤیێن نۆژداری و ستافێ‌ كاری بۆ هندێ‌ پتر پشته‌ڤانی لێ‌ بهێته‌كرن".

دیاركر" ل ده‌مێن‌ ده‌ربازبووی دگه‌ل كه‌رتێ‌ تایبه‌ت كارێن باش هاتینه‌ كرن و بۆ رێكخستنا كارى ‌ گه‌له‌ك جهـ هاتینه‌ سزا دان و پێدڤییه‌ دووڤچۆنا كه‌رتێ‌ تایبه‌ت یێ‌ ساخله‌میێ‌ به‌رده‌وامی هه‌بیت، ژ نه‌خۆشخانه‌ و كلینیكێن تایبه‌ت یێن نۆژدار و كارمه‌ندێن ساخله‌میێ‌ و كوگه‌هـ و ده‌رمانخانه‌ و تاقیگه‌هان".

حه‌مزه‌ محه‌مه‌دعه‌لى خویاكر" رێڤه‌به‌رێ گشتیێ ساخله‌میێ خواستییه‌ ب چ ره‌نگه‌كی نابیت رێ‌ ل سه‌رپێچییان بهێته‌ ڤه‌كرن و هه‌ر جهه‌ك پێگیریێ‌ ب پیڤه‌رێن قانوونا ساخله‌مییا گشتی نه‌كه‌ت و سه‌رپێچی بهێنه‌ دیتن ژ ( سه‌ره‌ده‌ریا دگه‌ل نه‌خۆشان و پاقژیێ‌)، دڤێت پێرابوون دگه‌ل بهێنه‌ وه‌رگرتن و رێڤه‌به‌رێن ساخله‌میێ‌ ل ده‌ڤه‌ردارییان بۆ دووڤچۆنا كه‌رتێ‌ تایبه‌ت ژ سزادان و گرتنا وان هه‌موو ده‌ستهه‌لات و ماف هه‌نه"‌.

ناڤبۆرى دیاركر" ته‌كه‌زى ل بابه‌تێ خۆپاراستنا ساخله‌میێ‌ هاتییه‌كرن ب تایبه‌ت ڤاكسیندانا زارۆیان و كونترۆلكرنا نه‌خۆشیێن ڤه‌گر و دڤێت رۆژانه‌ ل هه‌موو بنگه‌هێن ساخله‌میێ‌ ڤاكسین بهێنه‌ دان و چو زارۆ نه‌هێنه‌ ڤه‌گه‌راندن ژپێخه‌مه‌ت كونترۆلكرنا نه‌خۆشیێن زارۆیان و ب تایبه‌ت نوكه‌ وه‌رزێ‌ هاڤینێ‌ یه‌ و بۆ نه‌هێلانا نه‌خۆشیێن ڤه‌گر ل ڤی وه‌رزی ب تایبه‌ت نه‌خۆشیا كۆلێرایێ‌".



  • ڕۆژ
  • هەفتە
  • مانگ
created by Avesta Group and powered by Microsoft Azure