ئاكرێ: وه‌رگه‌ڕیانا ترومبێله‌كێ گیانێ دوو كه‌سان دگریت

هەواڵ / کوردستان :: 12/06/2019‌ :: 233‌ جار بینراوە

دواڕۆژ، بورهان یه‌حیا

د روودانه‌كا هاتنوچۆنێ ل سنۆرێ ده‌ڤه‌ردارییا ئاكرێ دوو كه‌سان گیانێ خۆ ژده‌ستدا.

سه‌باح زوهێر به‌رپرسێ راگه‌هاندنا رێڤه‌به‌رییا ساخله‌مییا ده‌ڤه‌ردارییا ئاكرێ (ئه‌ڤرۆ چارشه‌مب 12 حۆزه‌یران 2019) بۆ دواڕۆژ دیاركر" ئه‌ڤرۆ ل ده‌مژمێڕ نێزیكى 7ێ ئێڤارى د روودانه‌كا ترافیكى دا ژ جۆرێ وه‌رگه‌ریانێ چار كه‌س بوونه‌ قوربانى كو دوو كه‌س ژ وان بریندار بوون و بۆ نه‌خۆشخانه‌یێ هاتنه‌ هنارتن و دوو كه‌سێن دى ژى گیانێ خۆ ژده‌ستدان".

خویاكر" روودان ل نێزیك دۆریانا كۆمه‌لگه‌ها خه‌لیلكان سه‌ر ب ده‌ڤه‌ردارییا ئاكرێ په‌یدا بوویه‌ و دوو گه‌نج كو ژیێ وان 22 سالى و 26 سالى بووینه‌ گیانێ خۆ ژده‌ستدان و هه‌ر چار كه‌سێن قوربانیێن ڤێ روودانێ خه‌لكێ ناوچه‌دارییا قه‌سرۆكێ نه‌".

ئاماژه‌كر" ترومبێل ژ جۆرێ پیكه‌م بوویه‌ و هه‌ر دوو كه‌سێن دى برینێن وان سڤكن و ل نه‌خۆشخانه‌یێ چاره‌سه‌رییا پێدڤى بۆ دهێنه‌كرن".



  • ڕۆژ
  • هەفتە
  • مانگ
created by Avesta Group and powered by Microsoft Azure