لەسەر مووچەی فەرمانبەرانی هەرێم راپۆرتێك دەدرێتە پەرلەمانی عێراق

هەواڵ / کوردستان :: 12/06/2019‌ :: 26017‌ جار بینراوە

تاگ :: موچە

دواڕۆژ

چوار پەرلەمانتاری کورد لە پەرلەمانی عێراق ڕاگەیەندراوێکیان بڵاوکردەوە و تیایدا ئاماژەیان بۆ ئەوە کردووە، ڕاپۆرتێکیان سەبارەت بە کێشەی نەوت و ئەو پارەیەی بۆ موچەی فەرمانبەرانی هەرێم دەنێردرێت ئامادە کردووە و بڕیارە سبەی لە پەرلەمانی عێراق بخرێتە بەر باس.

ئەحمەدی حاجی رەشید، جەمال کۆچەر، شیروان میرزا، هۆشیار عەبدوڵا پەرلەمانتارانی کورد لە بەغدا ئەمڕۆ چوارشەممە ڕاگەیەندراوێکیان بڵاوکردەوە و تیایدا تەئکیدیان کردەوەتەوە کە مووچەی فەرمانبەرانی هەرێم دەبێت بگاتە دەستی فەرمانبەران بەشێوەی مانگانە، بە پێچەوانەوە حکومەتی ئیتیحادی هەنگاوی تر دەگرێتە بەر.

ئاماژە بۆ ئەوەشکراوە: لە ڕاپۆرتەکەیاندا چەندین راسپاردەی گرنگی تێدایە بۆ پاراستنی مافی فەرمانبەرانی هەرێمی کوردستان، هەروەک راسپاردەی گرنگی تێدایە سەبارەت بە مەلەفی نەوتی هەرێمی کوردستان.

هەر بەپێی ئەو ڕاگەیەندراوە، وا بڕیارە لە دانیشتنی سبەی پێنجشەممە ئەو راپۆرتە بخرێتە بەرنامەی کاری دانیشتنی پەرلەمان.

ئا: ک. س



created by Avesta Group and powered by Microsoft Azure