فڕۆكه‌كانی توركیا ئۆتۆمبێلێكی پەکەکەیان سووتاند

هەواڵ / کوردستان :: 12/06/2019‌ :: 1090‌ جار بینراوە

دواڕۆژ، ره‌ڤه‌ند گوهه‌رزی

پاش نیوەڕۆی ئەمڕۆ چوارشەممە لە بناری چیای مەتین، هێزە ئاسمانییەکانی تورکیا تۆتۆمبێلێکی گەریلاکانی پەکەکەیان بۆردومان کرد و سووتا.


په‌یامنێرمان له‌ شوێنی رووداوه‌كه‌ رایگه‌یاند: له‌ كاتژمێر 1:00ی پاش نیوه‌ڕۆی ئه‌مڕۆ فڕۆكه‌كان بۆردومانی ئه‌و ئۆتۆمبێله‌یان كردووه‌ كه‌ چه‌ند گه‌ریلایه‌كی په‌كه‌كه‌ له‌ نزیكی بوون.

وتیشی: ئه‌و ئۆتۆمبێله‌ی كه‌ بۆردومان كراوه‌ له‌ ناوچه‌ی میرزا بادای سه‌ر به‌ گوندی گوهه‌رزێ له‌ ده‌ڤه‌ری نهێل له‌ بناری چیای مه‌تین بووه‌.

په‌یامنێری دواڕۆژ باسی له‌وه‌شكرد: له‌ ئێستادا تیمه‌كانی ئاگركوژێنه‌وه‌ چوون بۆ ئه‌وه‌ی ئاگره‌كه‌ بكوژێننه‌وه‌و تائێستاش نازانرێت زیانه‌ گیانییه‌كان چه‌ندن. 

باسی له‌وه‌شكرد: له‌ ئێستادا فڕۆكه‌كانی توركیا زۆر به‌ نزمیی به‌سه‌ر ناوچه‌كه‌دا ده‌سوڕێنه‌وه‌.

داڕشتنه‌وه‌: ئیحسانی مه‌لا فوئاد



created by Avesta Group and powered by Microsoft Azure