دهۆك: رۆژانه‌ 500 هزار لترێن گازوئیلێ بۆ وێستگه‌ها كواشێ هاتنه‌ زێده‌كرن

هەواڵ / ئابوری :: پێش 1 هەفتە ‌ :: 101‌ جار بینراوە

دواڕۆژ، بورهان یه‌حیا
 
رێڤه‌به‌رێ گشتیێ كاره‌با پارێزگه‌ها دهۆك راگه‌هاند؛ بڕیار هاتییه‌ دان ب مه‌ره‌ما چاره‌كرنا كاره‌با گشتى ل دهۆك رۆژانه‌ ئێك ملیۆن و 200 هزار لتر گازوئیل بۆ وێستگه‌ها كواشێ ل دهۆك بهێنه‌ دابینكرن كو پێشتر 700 هزار لتر بوون.


كه‌مال محه‌مه‌د رێڤه‌به‌رێ گشتیێ كاره‌بێ ل پارێزگه‌ها دهۆك (ئه‌ڤرۆ چارشه‌مب 12 حۆزه‌یران 2019) بۆ دواڕۆژ رۆهنكر: "پشتى سه‌ره‌دانه‌كا وان بۆ هه‌ولێرێ و هه‌ڤپه‌یڤین دگه‌ل بریكارێ وه‌زاره‌تا كاره‌بێ و وه‌زیرێ سامانێن سروشتى و سه‌رۆكێ ئه‌نجوومه‌نێ وه‌زیران و ب مه‌ره‌ما چاره‌سه‌ركرنا كێشه‌یا كێمییا ده‌مژمێرێن كاره‌با گشتى ل دهۆك بڕیار هاته‌دان كو رۆژانه‌ ل جهێ 700 هزار لترێن گازۆئیلێ ملیۆنه‌ك و 200 هزار لترێن گازۆئیلێ بۆ وێستگه‌ها كواشێ ل پارێزگه‌ها دهۆك بهێنه‌ هنارتن ئانكو 500 هزار لتران پتر و رۆژانه‌ ل جهێ 50 مێگاواتان 150 مێگاوات ل ڤێ وێستگه‌هێ بهێنه‌ به‌رهه‌مئینان".

دیاركر: "دگه‌ل هندێ بڕیار هاتییه‌دان پڕۆژه‌یێ هێلا 132 كیلۆ ڤۆلتى یا ناڤبه‌را هه‌ولێر بۆ دهۆك ل ئه‌ڤێ هه‌فتیێ بهێته‌ ئیحاله‌كرن و دگه‌ل جێبه‌جێكرنا ڤان بڕیاران ب شێوه‌یه‌كێ گشتى ل هه‌ر هه‌رێمێ دێ ده‌مژمێرێن كاره‌بێ زێده‌تر لێهێن و ب تایبه‌ت دهۆك كو به‌رده‌وام د ڤى بوارى دا غه‌در لێ دهاته‌كرن".

پ: چ.ع

 بڵاوكردنه‌وه‌ :هـ.ق



  • ڕۆژ
  • هەفتە
  • مانگ
created by Avesta Group and powered by Microsoft Azure