نێزیكى 100 كه‌سان ل چاكسازییا دهۆك بڕیارا سێداره‌دانێ هه‌یه‌

هەواڵ / کوردستان :: پێش 2 هەفتە ‌ :: 148‌ جار بینراوە

دواڕۆژ، دهۆك


نێزیكى 100 گۆنه‌هباران یێن بڕیارا سێداره‌دانێ بۆ ده‌رچۆى، نوكه‌ ل چاكسازییا زركا یا مه‌زنان ل دهۆك دمینن.

ژێده‌ره‌كى ل چاكسازییا زركا كو نه‌ڤییا ناڤێ وى بهێت گۆتن بۆ دواڕۆژ گۆت:"نوكه‌ نێزیكى 100 گۆنه‌هبارێن گۆنه‌هێن مه‌زن ئه‌نجامداین و بڕیارا سێداره‌دانێ بۆ ده‌رچۆى ل چاكسازییا زركا هه‌نه‌ كو ژماره‌یه‌ك ژوان ئه‌ره‌بن".

وى ژێده‌رى دازانین:"گه‌له‌ك ژ وان كه‌سێن حوكمێ سێداره‌دانێ لسه‌ره‌، گۆنه‌هبارێن داعش بوون كو چوار سالێن ده‌ربازبووى هاتبوون گرتن و دادگه‌هكرن".

سالا 2008-ێ، حوكمه‌تا هه‌رێما كوردستانێ سۆزدابوو نه‌ته‌وه‌یێن ئێكگرتى بڕیارێن سێداره‌دانێ ل هه‌رێما كوردستانێ راگریت، لێ پشتى وێ سۆزنامێ چه‌ندین كه‌س ب ئیمزایا سه‌رۆكێ هه‌رێما كوردستانێ هاتبوون سێداره‌دان.

ده‌ر‌باره‌ى هه‌مان مژار، حه‌مدى به‌روارى، به‌رپرسێ رێكخراوا مافێن مرۆڤى-دهۆك، بۆ دواڕۆژ گۆت:"به‌رى زێده‌تر ژ 3 سالان، ئه‌و شیابوون ئامارێن چاكسازییا زركا بزانن كو نێزیكى 70 كه‌سان وى ده‌مى ب حوكمێ سێداره‌دانێ ل چاكسازیێ بوون و ئه‌و پشتراستن ئه‌و ژماره‌ زێده‌بوویه‌".

داوى بڕیارا سێداره‌دانێ ل دادگه‌ها دهۆك ده‌رچۆى 27-ێ مه‌ها ده‌ربازبووى بوو كو بڕیاردابوو گۆنه‌هبارێ كۆشتنا مقه‌ده‌م یوسف عه‌بدوللا بێركیاتى بهێته‌ سێداره‌دان.



  • ڕۆژ
  • هەفتە
  • مانگ
created by Avesta Group and powered by Microsoft Azure