گۆڕان وردەکاری کوشتنی پاسەوانێکی گردی زەرگەتەی بڵاوکردەوە

هەواڵ / کوردستان :: 11/06/2019‌ :: 10245‌ جار بینراوە

دواڕۆژ

(ئەمڕۆ 11ی حوزەیرانی 2019) سایتی سبەی سەر بە بزوتنەوەی گۆڕان وردەکاری کوشتنی پاسەوانێکی گردەکەی زەرگەتەی گۆڕانی بڵاوکردەوە.

باسی لەوەکردوە: کە سەعات (1:30) نیوەشەوی رابوردوو ژمارەیەك چەكدار تەقەیان لە مەكۆی سەرەكی بزوتنەوەی گۆڕان لە شاری سلێمانی كرد و پاسەوانەكانی مەكۆی گۆڕانیش بەتوندی وەڵامی تەقەکەرەکانیان داوەتەوە، هەر بەهۆی تەقەی ئەو چەكدارانەوە پاسەوانێکی خۆبەخشی مەكۆی سەرەکی کە پیشەی پۆلیسە بەناوی (رێبەند فەرهاد) شەهید بووە.

ئاماژە بەوەشکراوە: بزوتنەوەی گۆڕان وێڕای هاوخەمی بۆ شەهیدبونی كاكە رێبەند، پرسە و سەرەخۆشی لە كەسوكارەكەی دەكات و داوای لێكۆڵینەوەیەكی جددی و بێلایەن دەكات بۆ دۆزینەوە و دەستگیركردن و دادگایی كردنی تۆمەتبارانی ئەو رووداوە.

داڕشتنەوە: چ.ع



created by Avesta Group and powered by Microsoft Azure