دھۆک: ل سێ رۆژێن جەژنێ ٣٤ کەسان گیانێ خۆ ژدەستدایە

هەواڵ / کوردستان :: 08/06/2019‌ :: 126‌ جار بینراوە

دواڕۆژ؛ بورهان یه‌حیا

رێڤەبەرییا ساخلەمییا پارێزگەھا دھۆک راگەھاند، د سێ رۆژێن جەژنێ دا ل سنۆرێ پارێزگەھا دھۆک ٣٤ کەسان گیانێ خۆ ژدەستدایه‌.

د کۆنگرەیه‌كێ رۆژنامەڤانی دا (ئەڤرۆ شەمبی ٨ێ حوزەیرانا ٢٠١٩) حەمزە محه‌مه‌د عه‌لی به‌رپرسێ راگەھاندنا ساخلەمییا پارێزگەھا دھۆک ئامارێن ھەر سێ رۆژێن جەژنێ ب ڤی ره‌نگی راگەھاند" ژ سەرجەمێ ١١ ھزار و ٤١٨ کەسێن سەرەدانا دەزگەھێن ساخلەمیێ کرین ٣٨٢ کەس ھاتینە نڤاندن و ٢٦٤ زارۆ ژ دایک بووینە ژ وانا ژی ١٣٤ کۆر و ١٢٩ کچ بوو". 

خویاكر" ل وان سێ رۆژان ٨٢ نشتەرگەری ھاتینە ئەنجامدان و ٨٨ حالەتێن سۆتنێ ھاتینە تۆمارکرن پێنچ ژ وانا ل زاخۆ بووینە و ژنەکا ٦٠ سالی سۆتبوو و گیانی خوە ژ دەست دایە ". حەمزە گۆت" ل رۆژانێن جه‌ژنێ ١٥ حالەتێن ب شەرچۆنێ ھاتینە تۆمارکرن و ٣٤ کەسان ب ئەگەرێن ھەمەجۆر و نەخۆشیان و روودانان گیانێ خوە ژ دەست داینە ژ وانا ژی ٢١ کەس کو شەش ژی زارۆ بووینە ژ ئەگەری نەخۆشیان مرینە". 

به‌رپرسێ راگەھاندنا ساخلەمیا پارێزگەھا دھۆک راگەھاند"حەفت کەسان ژی ب روودانێن ھاتنوچۆنێ گیانی خوە ژ دەست داینە و دو حالەتێن خۆکوشتن و ئێک خەندقین ھاتینە تۆمارکرن".

 

بڵاوکردنەوە: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure