پۆلیسی هەڵەبجە ئاماری رووداوەکانی جەژن بڵاودەکاتەوە

هەواڵ / کوردستان :: 08/06/2019‌ :: 154‌ جار بینراوە

دواڕۆژ، عەلی حەمەسەعید


وتەبێژی بەڕێوەبەرایەتی پۆلیسی پارێزگای هەڵەبجە ئاماری ڕووداو تاوانەکانی سێ ڕۆژی جەژنی ڕەمەزاند بڵاوکردەوە و رایدەگەیەنێت کە لەو ماوەیەدا حەوت تۆمەتبار دەستگیرکراون.


بەرزان عوسمان، وتەبێژی بەڕێوەبەرایەتی پۆلیسی پارێزگای هەڵەبجە بەدواڕۆژی ڕاگەیاند: لەماوەی سێ ڕۆژی ڕابوردوی جەژندا لەسنوری پارێزگای هەڵەبجە 13 دۆسیەی جۆراوجۆر تۆمارکراون کە بەهۆیانەوە حەوت تۆمەتبار دەستگیرکراون.

وتیشی: "چوار دۆسیەی تایبەت بە مادەی 413 یاسای سزادان و چوار دۆسیەش تایبەت بەمادەکانی 430 و 432 و 444 هەروەها پێنج دۆسیەی تایبەت بە مادەکانی 21و 22و23ی هاتوچۆ تۆمارکراون.

وتەبێژەکەی پۆلیسی پارێزگای هەڵەبجە ئەوەشی خستەڕوو: بەهەماهەنگی لەگەڵ لایەنە پەیوەندیدارەکانی دیکە توانیمان سەرکەوتووانە ئەو پلانە جێبەجێبکەین کە بۆ ڕۆژانی جەژنی ڕەمەزان دامانڕشتبوو.

پ: ن.ر

 بڵاوكردنه‌وه‌ :هـ.ق



  • ڕۆژ
  • هەفتە
  • مانگ
created by Avesta Group and powered by Microsoft Azure