گه‌شتیارناسه‌ك: به‌لاڤكرنا رێبه‌ر و پێزانینان لسه‌ر گه‌شتیاران گرنگه‌

هەواڵ / ئابوری :: 05/06/2019‌ :: 216‌ جار بینراوە

دواڕۆژ، بورهان یه‌حیا 

گه‌شتیارناسه‌ك خویا دكه‌ت كو بۆ پێشئێخستنا كه‌رتێ گه‌شتوزارێ پێدڤییه‌ رێبه‌رێن گه‌شتیارى ب زمانێن جودا ل سه‌ر گه‌شتیاران بهێنه‌ به‌لاڤكرن و رێبه‌رێن كه‌سوكى ژى هه‌بن.

عه‌بدولره‌زاق نهێلى گه‌شتیارناس بۆ دواڕۆژ دیاركر: "دھێتە چاڤەرێکرن کو رێژەیه‌کا مەزن یا گەشتیاران سەرا ھاڤینگەھ و جھێن گوزاری یێن کوردستانێ بکەن دا کو ب دەلیڤە ببینین مفایەکێ باشتر ژ ڤان گەشتیاران وەرگرین گرنگە ژلاێێ سازیێن پەیوندیدار ڤان خالان بەرچاڤ وەرگرن؛ ژوان ل دەرگه‌هێن سنۆری و زالگەھان کەسانێن شارەزا ب سەرەدەریکرنێ ڤە دگه‌ل گەشتیاران بھێنە دانان و رێبەرێن گەشتیاری ب نڤێسین ب زمانێن جوراوجۆر بھێنە بەلاڤکرن و گەشتیارناس و رێبەرێن کەسوکی بۆ دانە نیاسین و پێزانینان لسەر جهێن گوزاری بەرھەڤ بەن".

خویاكر: "نەخشەیێ ته‌مام ل سەر ھەموو بنگەھێن گوزاری بھێتە دان و ناڤ و نیشانێن ھەموو بنگەھێن ڤەحەواندێ ب تێلفۆن و لدووڤ تەکنولۆجیا سەردەم پێ بھێنە دان و بنگەھێن گوزاری بھێنە ھایدارکرن بۆ پێشوازیەکا باشتر ل گەشتیارا و رێبه‌رێن وان و داشکاندنێ بۆ گرۆپان بھێتە کرن ھەکە چەند یا کێم بیت و ھندەك گەشتێن گشتی بۆ مۆزەخانە و جھێن شوونواری یێن کوردى ھەبن".

گه‌شتیارناس خویاكر: "خولێن تایبەت بۆ کارمەندێن بنگەھان لسەر سەرەدەریکرن و دانا پێزانینان بۆ گەشتیاران بھێنە ڤەکرن و خودانێن ھاڤینگەھان بھێنە ھایدارکرن کو سلامەتیا گیانێ گەشتیاران ژ کارێن وان یێن سەرەکی بیت و دەستشۆ ب پاقژی بۆ بھێنە دابین کرن و باشترین خزمەت ب کوالیتیەکا باش بۆ بھێنە دابین کرن".

بڵاوکردنەوە: ئارام غەفور



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە