وێنە: هەورامان خۆی بۆ هاتنی گەشتیاران ئامادەدەکات

هەواڵ / کوردستان :: 31/05/2019‌ :: 527‌ جار بینراوە

دواڕۆژ، عەلی حمەسەعید


وەک ئامادەکارییەک بۆهاتنی گەشتیاران و کارئاسانی زیاتر بۆیان، رێگاى سه‌ره‌كى  سەیرانگای ئاوێسەر تەوێڵە قیرتاوده‌كرێت، له‌ ئه‌مڕۆشه‌وه‌ هه‌ینى 31ى ئایار، ئه‌و رێگایه‌ به‌ڕووى گه‌شتیاراندا داخرا.


حەسەن ڕه‌شید، بەڕێوەبەری گشتی شارەوانیەکانی هەڵەبجە بە دواڕۆژ-ی ڕاگەیاند: "وەک ئامادەکارییەک بۆ هاتنی زۆرترین گەشتیار بۆ ناوچە گەشیارییەکانی ناوچەی هەورامان بەتایبەت سەیرانگای ئاوێسەر، بەهه‌ماهەنگی لەگەڵ بەڕێوەبەرایەتی ڕێگاوبانی هەڵەبجە دەستمانکردووە بە چاککردن و قیرتاوکردنی ڕێگای سەرەکی سەیرانگای ئاوێسەر تا ناوبازاڕی تەوێڵە".

وتیشى: "لە ئەمڕۆوە هاتوچۆی گەشتیارانمان بۆ سەیرانگای ئاوێسەر راگرتووە، ئەوەش بۆئەوەی ئاستەنگی هاتوچۆ دروستنەبێت و گرفت بۆ تیمەکانمان دروست نەبێت لە تەواوکردنی کارەکانیان".

بەڕێوەبەری گشتی شارەوانییەکانی هەڵەبجە ئەوەشی خسته‌ڕوو: "تیمەکانمان بەبەردەوامی دەستبەکارەکانیان دەکەن بەتایبەت کە ئەمڕۆش هەینی و پشووە ئێمە بەرەوامین لەکارکردن بۆئەوەی بتوانین لە ڕۆژانی جەژندا ڕێگای سەیرانگای ئاوێسەر بەڕووی گەشتیاراندا بکەینەوە و زۆرترین گەشتیار بێنە سنورەکەمانەوە".

پ: ئا.ح



created by Avesta Group and powered by Microsoft Azure