لەداقوق داعش و جوتیارانی کورد رووبەڕووی یەکبوونەوە و قوربانی هەیە

هەواڵ / کوردستان :: 30/05/2019‌ :: 768‌ جار بینراوە

دواڕۆژ، عیماد جەباری


لەداقوق بەهۆی رووبەڕووبوونەوەی نێوان چەکدارانی داعش و جوتیارانی کوردەوە 7 کوژراو و بریندار لەڕیزی جوتیارانی کورد هەیە و دەغڵ و دانی ناوچەی کاکەییش بەتەواوەتی سووتێنرا.


سەرچاوەیەک لەپۆلیسی داقوق ئەمشەو 30 ئایار بەدواڕۆژی راگەیاند "لەگوندی دارای ناوچەی حەفتەغاری سنوری قەزای داقوق ئاگر لەدەغڵ و دانی چوتیارانی کورد کەوتووەتەوە و لەکاتی رۆشتنی جوتیارەکان بۆ کوژانەوەی ئاگرەکە لەلایەن ژمارەیەک چەکدارەوە تەقەیان لێکراوە كە گوماندەکرێت داعش بن".

وتیشی: "بەهۆی دەستڕێژی گولەی چەکدارەکانەوە جوتیارێکی کورد شەهیدبووە و 6 جوتیاری دیکەش برینداربوون و تەرەکتەرێکی جوتیارەکانیش سووتێنراوە".

ئەوەشی خستەڕوو کە تاوەکو ئێستا روبەڕووبوونەوە لەنێوان چەکدارەکان و خەڵکی گوندی دارا بەردەوامە.

ئەو سەرچاوەیە راشیگەیاند "کە هەر ئەمشەو ئاگر لەدەغڵ و دانی ناوچەی کاکەیی سنوری داقوق بەردراوە و بەهۆیەوە تەواوی بەرهەمەکانیان سووتاوە، چونکە جوتیارەکان لەترسی بوونی بۆمبی چێندراو نەیانتوانیوە فریای ئاگرەکە بکەون".

پێداچوونەوە و بڵاوكردنەوە:
ئارام غەفور 



created by Avesta Group and powered by Microsoft Azure