دادگا بڕیارێکی دژی باوکی منداڵە ئەشکەنجەدراوەکەی کەرکوک دەرکرد

هەواڵ / کوردستان :: 23/05/2019‌ :: 1611‌ جار بینراوە

دواڕۆژ، عیماد جەباری

دادگای کەرکوک بریارێکی دژی باوکی منداڵە ئەشکەنجەدراوەکەی کەرکوک دەرکرد کە بەهۆی بوونی شوێنەواری لێدانەوە رادەستی پۆلیسی توندوتیژی خێزانی کرا.

 

عەمید رزگار تەپەلو، بەڕێوەبەری پۆلیسی توندوتیژی خێزانی ئەمڕۆ پێنجشەممە 23ی ئایاری 2019 بەدواڕۆژی راگەیاند: دادوەر لەدادگای کەرکوک لەبارەی دۆسێی منداڵە ئەشکەنجەدراوەکە بڕیاریدا بەڕاگرتنی باوکی منداڵەکە لەزیندان تاوەکو 29ی ئەم مانگە.

 

وتیشی: "منداڵەکە لەبەردەم دادوەر دانی بەوەدا ناوە کە لەلایەن باوکیەوە ئەشکەنجەدراوە، بۆیە دادوەر داوایکردوە کوڕ و کچەکە رادەستی دایکە راستەقینەکەی خۆیان بکرێن کە پێشتر لەباوکی منداڵەکە جیابووەتەوە و ئێستا لەلای باوەژن دەژین".

 

دوێنێ چوارشەممە 22ی ئایاری 2019 دواڕۆژ وێنەی منداڵێکی تەمەن 6 ساڵی بڵاوکردەوە بەناوی (ع.ق.م) کە بەهۆی بوونی شوێنەواری ئەشکەنجە بەجەستەیەوە لەلایەن بنکەی تەندروستی روناکیەوە پۆلیسی لێ ئاکاداردەکراوەتەوە و دەستبەجێ باوکی دەستبەسەرکرا.

 

پێداچوونەوە: ئارام غەفور

بڵاوکردنەوە: چ.ع



  • ڕۆژ
  • هەفتە
  • مانگ
created by Avesta Group and powered by Microsoft Azure