جوتیارانی پەڵکانە پێشنیازی رێککەوتنێکی راکان جبوری رەتدەکەنەوە

هەواڵ / کوردستانی :: 22/05/2019‌ :: 344‌ جار بینراوە

دواڕۆژ، عیماد جەباری


جوتیارانی گوندی پەڵکانەی سنوری ناحیەی سەرگەڕان پێشنیازێکی راکان جبوری رەتدەکەنەوە سەبارەت بە زەویە کشتوکاڵییەکانی گوندەکەوە.


نوسینگەی رۆژنامەوانی پارێزگاری کاتی کەرکوک لەبەیاننامەیەکدا بڵاویکردوەتەوە کە ئەمڕۆ (چوارشەممە 22 ی ئایاری 2019) بە ئامادەبوونی لایەنە پەیوەندیدارەکان لەگەڵ جوتیارانی پەڵکانە کۆبووەتەوەو رێککەوتون کە زەویەکە ئەمساڵ لەلایەن جوتیارانی کوردەوە دروێنە بکرێت و دواتر دەستی بەسەردا دەگیرێت تاوەکو دادگا یەکلاییدەکاتەوە.

بەڵام عەلی قادر موختارو نوێنەری چوتیارانی گوندی پەڵکانە رەتیکردەوە ئەوان بەپێشنیازەکەی راکان جبوری-یان قبوڵکردبێت و بەدواڕۆژی وت: "ئێمەی کورد خاوەن سەرژمێری ساڵی 1957ی کەرکوکین خاوەنی رەسەنی زەویەکانین، بۆیە هیچ دانوستانێک لەو بارەیەوە ناکەین".

وتیشی: "لەرۆژانی رابردوودا بەجیا لەگەڵ فەرماندەی ئۆپراسیۆنەکانی کەرکوک و فەرماندەی فیرقەی 14 کۆبوینەتەوە و رەتمانکردوەتەوە لەسەر مشتێک گەنم رێککەوتن لەگەڵ عەرەبە هاوردەکان بکەین".

رونشیکردەوە کە پارێزگاری کەرکوک داوایکردووە ئەمساڵ بەرهەمەکە بدورینەوە و دوای ئەوەی زەوییەکان دەستی بەسەردا بگیرێت و رێگا نەدرێت هیچ کەسێک بیکێڵێت تاوەکو دادگا یەکلاییدەکاتەوە کە ئەم پێشنیازە قبوڵنەکراوە".

 

وێنەی کۆنوسی رێککەوتنەکەی گوندی پەڵکانە‎


پ: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure