جارێکیتر عەرەبەکان چونەتەوە سەر گوندی پەڵکانە

هەواڵ / کوردستان :: 19/05/2019‌ :: 260‌ جار بینراوە

تاگ :: كه‌ركوك

دواڕۆژ، عیماد جەباری

دوایئەوەی جوتیارانی کورد رەتیانکردەوە دانەوێڵەکانیان لەگەڵ عەرەبە هاوردەکان بەشبکەن، (کەمێک پێش ئێستا) بۆ جاری سێیەم لەم هەفتەیەدا عەرەبە هاوردەکان چونەتە سەر گوندی پەڵکانە و داوای دروێنەی تەواوی زەویەکان دەکەن.


هەڵۆ جەوهەر، دانیشتوی ئه‌و گونده‌ (ئەمڕۆ یەکشەممە 19ی ئایاری 2019) بە دواڕۆژی راگەیاند: ئێوارەی ئەمڕۆ عەرەبە هاوردەکان جارێکیتر هاتوون دەیانەوێت تەواوی گەنم و جۆی جوتیارانی گوندەکە دروێنە بکەن.

وتیشی: "ئەم داوایەی ئەمڕۆ دوای ئەوەدێت کە شەوی رابردوو عەرەبەکان داوایانکرد گەنم و جۆی گوندەکە لەکەڵ جوتیارانی کورددا دابەشبکرێت و دوایئەوەی رەتمانکردەوە هەڕەشەی سوتاندنیان کرد".

ئەوەشی خستەڕوو: هێزە سەربازییەکان کەوتونەتە نێوانمان و داوایانکردووە سبەی جوتیارانی کورد و عەرەبە هاوردەکان لەگەڵ فەرماندەی فیرقەی 14ی سوپا کۆببینەوە.

پ: ک. س
بڵاوكردنه‌وه‌: شیروان شه‌ریف



created by Avesta Group and powered by Microsoft Azure