راوێژكارەكانی ئەحمەدی نەژاد بەتۆمەتی دزی و گەندەڵی تێوەگلاون

هەواڵ / جیهان :: 19/05/2019‌ :: 189‌ جار بینراوە

تاگ :: ئێران

دواڕۆژ


ئەو هەشت ساڵەی مەحمود ئەحمەدی نەژاد، سەرۆك كۆماری ئێران بووە، كەسانێكی زۆر لەدەوروبەریدا بوون كە ئێستا هیچ یەك لەو روخسارانە دیار نین وەك لەراپۆرتی رۆژنامەیەكدا ئاماژەی پێكراوە.

رۆژنامەی شەرقی ئێرانی نووسیوێتی: "یەكێك لەو كەسانەی زۆر لە ئەحمەدی نەژاد نزیك بووە، حەمید مەولانا راوێژكاری سەرۆك كۆمار بوو كە بۆ یەكەمجار لە ساڵی 2008دا بووە خاوەن بودجەی خۆی".

مەولانا لەو ساڵەدا 337 ملیۆن تمەن بودجەی لە حكومەتەكەی ئەحمەدی نەژاد وەردەگرت كە لەساڵی دواییشدا هەمان بڕە بودجەی بۆ تەرخانكرابوو.

ئەو رۆژنامەیە لە درێژەدا ئەوەی دەرخستووە کە هیچ كات ئاشكرا نەبووە، حەمید مەولانا ئەو 647 هەزار دۆلارەی وەك بودجەی دوو ساڵ، بۆی تەخان كرابوو، چی لێكردووە و لەكوێ خەرجی كردوە؟ گرنگتر لەوەش ئەوەیە ئەو پرۆفیسۆرە ئێستا لەكوێیە و سەرقاڵی چییە؟

شەرق لە كۆتایی راپۆرتەكەیدا دەشنووسێت: "لە لیستی كەسانی نزیك بە ئەحمەدی نەژاد دەیان كەسی دیكەی ئاوا هەن كە بە بڕە پارەیەكی زۆرەوە بێسەروشوێنن".

وە: ئازوو محەمەد
داڕشتنەوە: ئارام غەفور 

بڵاوکردنەوە: چ.ع



created by Avesta Group and powered by Microsoft Azure