دوو شاخەوان لە گروپەکەیان داده‌بڕێن و ون ده‌بن

هەواڵ / کوردستان :: 18/05/2019‌ :: 1215‌ جار بینراوە

دواڕۆژ، ئاکۆ حەمەد رابی

دوو شاخەوان لە چیای هەڵگۆرد گیریان خواردووەو تیمەکانی بەرگری شارستانیش سەرقاڵی دۆزینەوەو رزگارکردنیانن. 


رائید بەیار باڵەکی وتەبێژی بەرگری شارستانی سۆران بەدواڕۆژی وت: "ئەمشەو شه‌ممه‌ گروپێکی شاخەوانی گەشتێکیان ئەنجامداوە بۆ چیای هەڵگۆرد، بەڵام دوو لەشاخەوانەکان ڕێگایان ونکردووەو نادیارن".

ئاماژەی بەوەشدا کە: پەیوەندی به‌ تیمەکانمانه‌وه‌ کراوە، بۆ ئەوەی بەهانایانەوە بچن، هەردوو تیمی حاجی ئۆمەران و چۆمان چوونەتە ناوچەکە، بەمەبەستی دۆزینەوەو رزگارکردنیان.

وتەبێژی بەرگری شارستانی سۆران وتیشی: "هەردوو شاخەوانەکە گەنجن و خەڵکی سنوری دەڤەری سۆرانن.

لوتکە چیای هەڵگۆڕد بەرزترین لوتکە چیایە لە عێراق و هەرێمی کوردستان، دەکەوێتە سنوری قەزای چۆمان و 3607 مەتر بەرزە لە ئاستی رووی دەریاوە.

پێداچوونه‌وه‌: ئیحسانی مه‌لا فوئاد



  • ڕۆژ
  • هەفتە
  • مانگ
created by Avesta Group and powered by Microsoft Azure