نهێنی جانتا قورسەكەی پۆمپیۆ چییە؟

هەواڵ / جیهان :: 19/05/2019‌ :: 1010‌ جار بینراوە

تاگ :: ئەمریکا

دواڕۆژ، ئازوو محەمەد


روسیا ئەلیەوم لە راپۆرتێكدا بڵاویكردەوە، مایك پۆمپیۆ وەزیری دەرەوەی ویلایەتە یەكگرتوەكانی ئەمریكا كاتێك كە لە فڕۆكەخانەی سوچی روسیا لە فڕۆكەكە هاتە خوارەوە، جانتایەكی گەورەی قورسی پێبووە كە خۆی هەڵیگرتبوو.

لە راپۆرتی ئەو كەناڵە روسیە هاتووە "ئەو كارەی پۆمپیۆ، هاوشێوەی كاری جۆن كيری، وەزیری دەرەوەی پێشووتری ویلایەتە یەكگرتوەكانی ئەمریكا بوو، كە لە ساڵی 2016دا جانتایەكی سوری قورسی هەڵگرتبوو". 

بەپێی راپۆرتەكە: ئەو كردەوەیەی ئەوكاتەی جۆن كيری بووە جێی سەرنجی هەمووان و تەنانەت پۆتینیش بە گاڵتەوە بە كیری وتبوو، كاتێك تۆم بەو جانتا سورەوە بینی زۆر دڵگران بووم، كە بۆ لە ئەمریكا كەسێك نەبووە یارمەتی وەزیری دەرەوە بدات لە هەڵگرتنی ئەو جانتا قورسە و دواییش وتبووی دیارە شتێكی گرنگی تێدایە كە بۆخۆت هەڵتگرتووە، کیریش بەڵینیدابووە كە ناو جانتاكەی پیشاندەدات و ئەویش سەری سوڕ دەمێنێت، لەو شتانەی لە ناو جانتاكەدا هەن، بەڵام دەبێت ئەو بابەتە بە نهێنی لە نێوان پۆتین و كیری-دا مابێتەوە.

ئەو كەناڵە روسییە باسی ئەوەشی كردووە: بەڵام پرسیارەكە ئەوەیە كە بە لەبەرچاوگرتنی قەیران لە ناوچەكەدا و ئاڵۆزتربوونی بارودۆخەكە بەروارد بە كاتی سەرۆكایەتی ئۆباما، پۆمپیۆ دەبێت چی لە جانتاكەیدا هێنابێت بۆ روسیا. 

پ: ك. س

بڵاوکردنەوە: ئیحسانی مەلا فوئاد



created by Avesta Group and powered by Microsoft Azure