ئاكرێ: خودانكرنا مه‌ر و مالاتى ل سنۆرێ باژێڕڤانیێ هاته‌ قه‌ده‌غه‌كرن

هەواڵ / کوردستان :: پێش 1 هەفتە ‌ :: 85‌ جار بینراوە

دواڕۆژ، بورهان یه‌حیا

ده‌ڤه‌ردارییا ئاكرێ ب هه‌ماهه‌نگى دگه‌ل چه‌ندین لایه‌نێن په‌یوه‌ندیدار بڕیار دایه‌ خودانكرنا مه‌ر و مالاتى ل سنۆرێ باژێڕڤانییا ئاكرێ قه‌ده‌غه‌ بیت و پێدڤییه‌ د 15 رۆژان دا هه‌موو بهێنه‌ ڤه‌گوهاستن.

ده‌ڤه‌ردارییا ئاكرێ د راگه‌هاندنه‌كێ دا چه‌ندین خال بۆ پاراستنا ساخله‌مى و پاقژیێ دیار كرینه‌ و ب ڤى ره‌نگى: "خودانكرنا مه‌ر و مالات و په‌له‌وه‌رى ل سنۆرێ باژێڕڤانییا ئاكرێ قه‌ده‌غه‌ بیت و پێدڤییه‌ د 15 رۆژان دا هه‌موو بهێنه‌ ڤه‌گوهاستن و ل سه‌ر رێڤه‌به‌رییا ساخله‌مییا ئاكرێ و بنگه‌هێ ڤێته‌رنه‌ریێ پێدڤییه‌ ڤان خالان ب گۆره‌ى به‌ندێ 73 ژ یاسا 89 سالا 1981 و رێنومایێن ژماره‌ 33 سالا 1983 جێبه‌جێ بكه‌ن".

زێده‌تر هاتییه‌: "پێدڤییه‌ خودانێن مه‌ر و مالات و په‌له‌وه‌رى پشتى فرۆتنا وان قه‌ستا ده‌ڤه‌ردارییا ئاكرێ بكه‌ن و پاره‌یێن خۆ وه‌رگرن پشتى كو مه‌زاختیێن چاڤدێریكرن و فرۆتنێ ژێ دهێته‌ بڕین و به‌رۆڤاژى ڤێ چه‌ندێ ب بۆرینا 6 مه‌هان ئه‌و پاره‌ وه‌كو داهات دێ بۆ حوكمه‌تێ مینن و ل سه‌ر خالێن پشكنینێ یێن زێده‌گاڤییان پێدڤییه‌ هه‌وه‌كا به‌رفره‌هـ ئه‌نجام بده‌ن بۆ خرابكرنا هه‌موو ئه‌و جهێن بۆ خوجانكرنا مه‌ر و مالات و په‌له‌وه‌رى دهێنه‌ بكارئینان".

خویاكرییه‌: "هه‌ر كه‌س و لایه‌نه‌ك به‌رۆڤاژى ڤان رێنومایان كار بكه‌ت دێ هێته‌ سزادان و ڤێ لژنه‌یێ ماف هه‌یه‌ رێنومایێن دى بۆ رێكخستنا ڤى بوارى ده‌ربكه‌ت".

پ: چ.ع



created by Avesta Group and powered by Microsoft Azure