لەشارێکی کوردستان داعش هێرشێکی ئەنجامدا و قوربانیی هەیە

هەواڵ / کوردستانی :: 16/05/2019‌ :: 2469‌ جار بینراوە

دواڕۆژ، عیماد جەباری

لەپەلامارێکی چەکدارانی داعش بۆ سەر بارەگایەکی پۆلیسی ئیتیحادی لەباشوری کەرکوک، کوژراو و برینداری لێکەوتەوە.

سەرچاوەیەک لەپۆلیسی حەویجە (ئەمڕۆ پێنجشەممە 16ی ئایاری 2019) بەدواڕۆژی راگەیاند: کاتژمێر 2ی بەرەبەیانی ئەمڕۆ لەسنوری ناحیەی رەشاد چەکدارانی داعش پەلاماری خاڵێکی پۆلیسی ئیتیحادیان داوە و رووبەڕووبوونەوە لەگەڵ هیزەکەدا دروستبووە.

وتیشی: "بەهۆی شەڕەکەوە دوو کارمەندی پۆلیس کوژراون و یەکێکیش برینداربووە کە سەر بە فەوجی سێی لیوای 20ی پۆلیسی ئیتیحادین".

ئەمەش لەکاتێکدایە ئێوارەی دوێنێ لەپەلامارێکی داعشدا چوار ئەفسەری تیمی قەناس بەدەستی پۆلیسی ئیتیحادی لەسنوری ناحیەی ریاز کوژران.

پ: چ. ع

بڵاوکردنەوە: ئیحسانی مەلا فوئاد



  • ڕۆژ
  • هەفتە
  • مانگ
created by Avesta Group and powered by Microsoft Azure