دهۆك: به‌رهه‌ڤی بۆ كونترۆلكرنا روودانێن ئاگرى دهێته‌كرن

هەواڵ / کوردستان :: 16/05/2019‌ :: 94‌ جار بینراوە

تاگ :: دهۆك

دواڕۆژ، بورهان یه‌حیا

لژنه‌یا كونترۆلكرنا روودانێن ئاگرى و پاراستنا ژینگه‌هێ دگه‌ل كارگێرییا پارێزگه‌ها دهۆك به‌حس ل ئاماده‌كارییان ل دانانا پلانه‌كا رێكخستى وكوكوم بۆ رێكگرتنا ل په‌یدابوونا روودانێن ئاگرى و پاراستنا به‌رهه‌مێن جۆتیاران كر.


موسلح قادر به‌رپرسێ راگه‌هاندنا كارگێرییا پارێزگه‌ها دهۆك (ئه‌ڤرۆ چارشه‌مب 15 گولان 2019) بۆ دواڕۆژ رۆهنكر" جێگرێ پارێزگه‌رێ دهۆك سه‌رپه‌رشتیا كۆمبوونا لژنه‌یا كونترۆلكرنا روودانێن ئاگرى و پاراستنا ژینگه‌هێ كر و تێدا به‌حسێ هاتنا وه‌رزێ هاڤینێ و مه‌ترسیا په‌یدابوونا روودانێن ئاگربه‌ربوونێ و چاوانیا ئاماده‌كرنا پلانه‌كا رێكخستى دناڤبه‌را فه‌رمانگه‌هێن په‌یوه‌ندیدار و جۆتیاران و خه‌لكێ پارێزگه‌هێ هاته‌كرن بۆ وێ یه‌كێ سه‌ره‌ده‌ریه‌كا بله‌ز دگه‌ل هه‌ر روودانه‌كا ئاگر به‌ربوونێ بهێته‌ كرن".

دیاركر" كونترۆلكرنا روودانێن ئاگرى دێ بیته‌ ئه‌گه‌رێ هندێ زیان ل سه‌ر به‌رهه‌مێن جۆتیاران و ژینگه‌ها پارێزگه‌هێ نه‌خاسمه‌ دارستانێ بهێته‌ كێمكرن".

موسلح قادر خویاكر" هه‌ر د كۆمبوونێ دا بڕیار هاته‌ دان كو لژنه‌یێن لاوه‌كى ل سه‌ر ئاستێ هه‌موو ده‌ڤه‌ردارى و ناحیان ژى بهێنه‌ دورستكرن بۆ دووڤچۆنا بابه‌تێ كونترۆلكرنا ئاگرى و پاراستنا ژینگه‌هێ و هه‌ر ژ سوبه‌هى ده‌ست بجهئینانا به‌رنامه‌یێن كۆمبوونێ و كارێن پێ هاتینه‌ راسپاردن بكه‌ن تایبه‌تى چێكرنا هێلێن ئاگرى ل جهێن گشتى و دارستانا و زه‌ڤیێن چاندنێ".

خویاكر" رۆلێ راگه‌هاندنێ و مامۆستایێن ئاینى و یێن په‌روه‌ردێ ژى بۆ به‌لاڤكرنا هشیاریێ د ناڤ خه‌لكی دا گرنگه‌ بۆ وێ یه‌كێ روودانێن ئاگربه‌ربوونێ په‌یدا نه‌بن تایبه‌ت ل ده‌مێ ئه‌نجامدان سه‌یران و گه‌شتان".



  • ڕۆژ
  • هەفتە
  • مانگ
created by Avesta Group and powered by Microsoft Azure