كچە بەهرەمەندێك وێنە لەسەر لێوەكانی دەنەخشێنێت

هەواڵ / که‌لتور :: 15/05/2019‌ :: 185‌ جار بینراوە

دواڕۆژ


كچێکی مەیكەپئاڕتیست كە بەهرەیەكی هونەریی دەگمەنی هەیە، بووەتە جێی سەرنجی تۆڕە كۆمەڵایەتیەكان و هەندێك بەرهەمی هونەریی نەخشاندووە كە زیاتر لە (فێڵكردن لە چاو) دەچێت.


ئەو كچە بەهرەمەندە ناوی ریان كێلی-یە و كارە هونەرییەكانی لەسەر هەردوو لێوەكانی خۆی دەنەخشێنێت، ئەم كارەیش بێجگە لەوەی كە وردەكارییەكی زۆری دەوێت لە هەمانكاتدا پێویستیی بە وردبوونەوە و لێوەشاوەییەكی تایبەت هەیە.

كێلی تائێستا وێنەی چەندین هونەرمەندی گەورە و كەسێتیی ناوداری لەسەر لێوەكانی خۆی نەخشاندووە. وەك خۆیشی دەڵێت "هەموو كارێكی لەم جۆرە پێویستی بە لانیكەم دوو كاتژمێر هەیە لەگەڵ رەنگكردنی هەموو رووخساردا چونكە رەنگی لێو بۆخۆی سوورە و بۆئەوەی وێنەكان جوانتر و بە كوالیتییەكی بەرز دەربكەون دەبێت باكگراوندەكەی جیاواز بێت لە بەشەكانی تری دەموچاو".

پ: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure