ده‌ستدرێژی لسه‌ر نه‌خشه‌به‌ڕێن شوونواری یێن دهۆك هاتییه‌كرن

هەواڵ / که‌لتور :: پێش 2 هەفتە ‌ :: 131‌ جار بینراوە

دواڕۆژ، بورهان یه‌حیا 


پشتی چه‌ند كه‌سان ده‌ستدرێژی ل سه‌ر شوونوارێن دێریێن یێن نه‌خشه‌به‌رێن فه‌یدیێ ل پارێزگه‌ها دهۆك كرین، ژلایێ رێڤه‌به‌رییا شوونواران سكالا لسه‌ر هاته‌ تۆماركرن.

حه‌سه‌ن ئه‌حمه‌د رێڤه‌به‌رێ شوونواران ل پارێزگه‌ها دهۆك (ئه‌ڤرۆ دووشه‌مب 13 ئایارا 2019) د كۆنگره‌یه‌كێ رۆژنامه‌ڤانیێ دا راگه‌هاند"نه‌خشه‌به‌رێن دێرێن یێن فه‌یدیێ ل رێكه‌فتی 11/5 ژلایێ چه‌ند كه‌سان ڤه‌ ده‌سترێژی ل سه‌ر هاتییه‌كرن و ئه‌وان چ ره‌زامه‌ندی ژلایه‌نێ په‌یوه‌ندیدار یێ شوونواری وه‌رنه‌گرتییه‌ و ئه‌ڤه‌ ژی به‌رۆڤاژی یاسایێ یه‌ و ب رێیا رێڤه‌به‌رییا گشتییا شوونوارێن هه‌رێمێ و ئاسایشا پارێزگه‌ها دهۆك سكالا ل سه‌ر هاتییه‌ تۆماركرن و دگه‌ل هندێ ژی نابیت ده‌زگه‌هێن راگه‌هاندنێ كارێ تێكدانا شوونواران به‌لاڤ بكه‌ن چونكو ئه‌ڤه‌ ژی دژی یاسایێ یه‌".
دیاركر"نه‌خشه‌به‌ڕێن فه‌یدیێ جهه‌كێ شوونوارییه‌ و هاتییه‌ تۆماركرن و راگه‌هاندن وه‌ك شوونوار ب شێوه‌یه‌كێ فه‌رمی د رۆژنامه‌یا (الوقائع العراقیە) د ژماره‌یا (2269) ل رێكه‌فتی (14/8/1973) كو ژلایێ شوونوارناس (كه‌ریم تۆما یووسف) هاتبوونه‌ دیتن، هاتییە تۆماركرن."
رێڤه‌به‌رێ شوونواران ل پارێزگه‌ها دهۆك خویاكر"ئه‌ڤ پێنگاڤا چه‌ند كه‌سان بۆ تێكدان و ده‌ستدرێژی ل سه‌ر شوونواران دژی یاسایێ و زیانێن مه‌ترسیدار سه‌ر شوونواران هه‌نه‌ و ده‌ستخۆشیێ ل ئاسایشا دهۆك دكه‌ین كو ل سه‌ر ڤی بابه‌تی و ب گشتی پاراستنا شوونواران ب ته‌مامی دگه‌ل مه‌ هاریكار بوویه‌".

پ: ك. س



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە