لناڤا ئاسانسۆرێ دا دزى دكرن لێ هاتنه‌ ده‌سته‌سه‌ركرن

هەواڵ / کوردستان :: 07/05/2019‌ :: 150‌ جار بینراوە

دواڕۆژ، بورهان یه‌حیا

رێڤه‌به‌رییا پۆلیسێن پارێزگه‌ها دهۆك به‌شێ تاخێ سه‌رهه‌لدان شیان دوو تۆمه‌تباران ل دهۆك ده‌سته‌سه‌ر بكه‌ن كو ل ناڤا ئاسانسۆرێن نه‌خۆشخانه‌یا ئازادى دزى ژ وه‌لاتییان دكرن.


هێمن سلێمان به‌رپرسێ راگه‌هاندنا رێڤه‌به‌رییا پۆلیسێن پارێزگه‌ها دهۆك (ئه‌ڤرۆ سێشه‌مب 7 گولان) بۆ دواڕۆژ رۆهنكر: به‌شێ پۆلیسێن نه‌هێلانا گونه‌هبارییان ل تاخێ سه‌رهه‌لدان ب هه‌ماهه‌نگى دگه‌ل پۆلیسێن نه‌خۆشخانه‌یا ئازادى شیان دوو تومه‌تباران ده‌سته‌سه‌ر بكه‌ن كو دناڤا ئاسانسۆرێن نه‌خۆشخانه‌یا ئازادى دزى ژ وه‌لاتییان دكرن و د ڤه‌كۆلینێن ده‌ستپێكى دا دانپێدان ب تاوانا خۆ كرینه‌.

دیاركر: ئه‌ڤ تاوانباره‌ ژ باژێڕێ ئاكرێ دهاتنه‌ نه‌خۆشخانه‌یا ئازادى و ده‌ما ل ناڤا ئاسانسۆرێ دا قه‌ره‌بالغا زێده‌ چێدبوو ئه‌ڤ چه‌نده‌ بۆ خۆ ب ده‌لیڤه‌ وه‌ردگرت و پاره‌ وموبایل و تشتێن دى یێن گرانبه‌ها ژ خه‌لكى دزین.

خویاكر: دوو كه‌سان ل ده‌مێ قه‌ره‌بالغێ وه‌لاتى ب ئاخفتن و پرسیارێ مژوول دكرن و كه‌سێ سیێ ژى ب كارێ دزیێ رادبوو لێ ل دووماهیێ هاتنه‌ ده‌سته‌سه‌ركرن و دادگه‌هـ دێ بڕیارێ ل سه‌ر كه‌یسێ وان ده‌ت.

پێداچوونه‌وه‌: ئیحسانی مه‌لا فوئاد

بڵاوکردنەوە: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure