لەبارەی خوێندنی باڵاوە کۆبوونەوەیەک لە سلێمانی بەڕێوەدەچێت

هەواڵ / کوردستانی :: پێش 3 هەفتە ‌ :: 8447‌ جار بینراوە

دواڕۆژ

 

سەرچاوەیەکی ئاگادار زانیاری لەسەر کۆبوونەوەی ئەنجومەنی وەزارەتی خوێندنی باڵا تایبەت بە کردنەوەی ماستەر و دکتۆرا و راگەیاندنی ناوی وەرگیراوان لە زانکۆ و پەیمانگەکان بۆ دواڕۆژ ئاشکرادەکات.

 

سەرچاوەیەکی ئاگادار لە وەزارەتی خوێندنی باڵا و توێژینەوەی زانستی (ئەمڕۆ شەممە 5ی تشرینی یەکەمی 2019) لە لێدوانێکدا بۆ دواڕۆژ وتی: "سبەی یەکشەممە کۆبوونەوەی ئەنجومەنی وەزارەتی خوێندنی باڵا بە ئامادەبوونی سەرجەم سەرۆک زانکۆکان لە شاری سلێمانی ئەنجام دەدرێت".

 

ئاماژەی بەوەشکرد: لە کۆبوونەوەکەدا بڕیاری کۆتایی لەسەر رێنماییەکانی ماستەر و دکتۆرا و کاتی راگەیاندنی ناوی وەرگیراوان لە زانکۆ و پەیمانگەکان دەدرێت.

 

وتیشی: "تایبەت بە مەرجی زمان ئەنجومەنی وەزارەتی خوێندنی باڵا گەشتووەتە ئەو بڕیارەی کە نمرەی پێویستی زمانی ئینگلیزی لە سەنتەرەکانی زمان بهێنرێت، بەڵام ئەوە یەکلا نەبووەتەوە ئاخۆ بۆ پێش پێشکەشکردنی داواکاری ماستەر و دکتۆرا دەبێت یان دەکەوێتە دوای پرۆسەی پێشکەشکردن".

 

ئا: رێباز

بڵاوکردنەوە: چ.ع



  • ڕۆژ
  • هەفتە
  • مانگ
created by Avesta Group and powered by Microsoft Azure