کاندیدێکى سەرۆکایەتى تونس سوکایەتى بە گەلەکەى دەکات

هەواڵ / جیهان :: پێش 1 هەفتە ‌ :: 310‌ جار بینراوە

تاگ :: جیهان

دواڕۆژ

گرتە ڤیدیۆییەک لە تۆڕە کۆمەڵایەتییەکان بڵاوکراوەتەوە، تیایدا حاتم بولبیار کە خۆى بۆ پۆستى سەرۆکایەتى تونس کاندید کردووە، لەبارەى پۆستەکەیەوە دەڵێت: "من پێویستیم بەو پۆستە نییە و تەنیا بۆ راکێشانى سەرنجى جەماوەر خۆم کاندیدکردووە".


لە دیمەنەکەدا ناوبراو گاڵتە بە توانا داراییەکانى وڵاتەکەى دەکات و دەڵێت: "تونس هیچ جۆرە بەرهەمێکى خۆماڵى نییە و تواناکانیشى لە بەرهەمهێنانى کشتوکاڵ زۆر لاوازە" و گاڵتەش بە عەقڵى گەلەکەى دەکات.

لەلایەکى دیکەشەوە کامیلیاى ژنى کە میدیاکارێکى ناودارى تونسە دەڵێت: "مێردەکەم تەنیا لەبەر ئەوەی ناوداربێت و سەرنجى جەماوەر بۆ لاى خۆى رابکێشێت، خۆى کاندیدکردووە"، گرتە ڤیدیۆکەش بە ئابڕووچوونێکى سیاسى وەسف کرا.

وە: ئاکۆ زەنگەنە
پ: چ.ع



created by Avesta Group and powered by Microsoft Azure