دادگه‌ها زاخۆ د به‌رژه‌وه‌ندییا وه‌لاتییان دا بڕیاره‌ك دا

هەواڵ / کوردستان :: پێش 1 هەفتە ‌ :: 78‌ جار بینراوە

تاگ :: دهۆك

دواڕۆژ، دهۆك


دادگه‌ها زاخۆ، بڕیاردا 21 خۆدانێن موه‌لیدێن كاره‌با ئه‌هلی پاره‌یێ زێده‌ یێن ئه‌مپێرێن كاره‌بێ وه‌رگرتین پاره‌یێ وه‌لاتییان ڤه‌گه‌ڕینن.

لیژنا بلند یا موه‌لیده‌یێن كاره‌با ئه‌هلی ل دهۆك، بۆ مه‌ها ته‌باخا ئه‌ڤ ساله‌، بڕیاردابوو؛ ل قه‌زا زاخۆ، بۆ هه‌ر ئه‌مپێره‌كێ كاره‌بێ 8 هزار و 500 دیناران ژ وه‌لاتییان بهێنه‌ وه‌رگرتن، لێ 21 خۆدانێن موه‌لیدان 9هزار و 500 دینار وه‌رگرتبوون.

ده‌ر‌باره‌ی ڤێ مژارێ، ژێده‌ره‌كی ل دادگه‌ها زاخۆ بۆ دواڕۆژ گۆت:"لدووڤ سكالایا ده‌ڤه‌ردارییا قه‌زا زاخۆ ل دژی وان خۆدانێن موه‌‌لیدان یێن پارێن زێده‌ وه‌رگرتین، دادگه‌هێ بڕیاردا ئه‌و كه‌س هه‌موو بهێنه‌ گرتن".

وی ژێده‌ری كو نه‌ڤییا ناڤێ خوه‌ ئاشكه‌راكه‌ت زه‌لالكر:"11 كه‌س ژ خۆدانێن موه‌لیدان یێن هاتبوون دادگه‌هێ، بۆ ده‌مێ 15 ده‌مژمێران گرتن، پاشی ب بڕیارا دا‌دگه‌هێ ب كه‌فاله‌ت و مه‌رجێ ئه‌و هزار دینارێن زێده‌ر بۆ وه‌لاتییان ڤه‌گه‌ڕینن، هاتن ئازادكرن".

لدووڤ زانیاریێن دواڕۆژ، ‌هه‌تا ئه‌ڤرۆ، بتنێ 11 كه‌س لدووڤ بڕیارا دادوه‌ری ل داگه‌ها زاخۆ  ئاماده‌بووینه‌ و 10 كه‌سێن دی نه‌ ئاماده‌‌بووینه‌.

پ: ک. س



created by Avesta Group and powered by Microsoft Azure