لەهەڵەبجە پەردە لەسەر پەیکەری چاوەڕوانی لادرا

هەواڵ / کوردستان :: پێش 1 هەفتە ‌ :: 115‌ جار بینراوە

دواڕۆژ، عەلی حەمەسەعید 


وەک سیمبولێک بۆ کەسوکاری منداڵانی ونبووی هەڵەبجە، بەئامادەبووی پارێزگاری هەڵەبجە و ژمارەیەک لە کەسوکاری شەهیدان و بەرپرسانی حزبی و حکومی لەباخی گشتی هەڵەبجە پەردە لەسەر پەکەری چاوەڕوانی لادرا.

کامەران مستەفا، بەڕێوبەری گشتی کاروباری شەهیدان و ئەنفالکراوانی هەڵەبجە بەدواڕۆژی ڕاگەیاند: پەیکەری چاوەڕوانی وەک سمبولێک بۆ کەسوکاری منداڵانی ونبووی هەڵەبجە دروستکراوە کە لەپەیکەرەکەدا وێنەی (فەخرەدین سەلیم) یەکێک لەو کەسوکارانەی منداڵە ونبووەکان بوو کە لە چاوەڕوانی دۆزینەوەی منداڵەکانیدا گیانی لەدەستدا.

ئاماژەی بەوەشکرد: لەلایەن پارێزگاری هەڵەبجەوە تێچووی پەیکەرەکە لە ئەستۆگیراوە و هەروەها سەرۆکایەتی شارەوانی شوێنی دانانی پەیکەرەکەی دەستنیشانکردووە و  هاوکات بۆیە باخی گشتیمان هەڵبژارد بۆئەوەی زۆرترین چین و توێژی هەڵەبجە هەمیشە لەبیری دۆزینەوەی منداڵە ونبووەکاندابن.

بەگوێرەی ئەو ئامارانەی کە لەلایەن کۆمەڵەی قوربانیانی کیمیابارانەوە بەدواڕۆژ دراون، لە ئێستادا 75 خێزانی هەڵەبجە لە چاوەڕوانی دۆزینەوەی 112منداڵی ونبووی هەڵەبجەن کە لەکاتی کیمیابارانی هەڵەبجە لە ئێران لە خێزانەکانیان ونبوون.

 

پ: ک. س



created by Avesta Group and powered by Microsoft Azure