فزووڵ.. لەبەردیدەی خوێنەراندایە

کتێبی دوارۆژ / :: 25/07/2017‌

دواڕۆژ
لە چوارچێوەی كارە رۆشنبیرییەكانی دەزگای دواڕۆژ بۆ رووناكبیری و راگەیاندن، دوا بەرهەمی چاپكراوی دواڕۆژ گەیشتە كتێبخانەكان و بەردیدەی خوێنەران.


ئەم بەرهەمە بریتییە لە وەرگێڕانی كتێبێكی ئینگلیزی كە لە نووسینی (ئیان لیسڵی)یە و بە ناونیشانی (فزووڵ) لەلایەن پاسار شێركۆ-وە وەرگێڕدراوەتە سەر زمانی كوردی.

فزووڵ، كە زنجیرەی كتێبی 19 ی بڵاوكراوەكانی دەزگای دواڕۆژ بۆ رووناكبیری وراگەیاندنە، بابەتێكی هزری-یە و لە دووتوێی 365 لاپەڕەدا و بە تیراژی 500 دانە، چاپی یەكەمی بڵاوكراوەتەوە و ژمارەی سپاردنی 1602 ی ساڵی 2017 ی وەرگرتووە. 

ئەم بەرهەمەی دواڕۆژ، وێڕای پێشەكی و پاشەكی، سێ‌ بەش بە 15 ناونیشانی جیاوە لەخۆدەگرێت. لە بەشێكی پێشەكیی كتێبەكەدا هاتووە"ئەو كۆمەڵگەیەی نەزم و رێكی لە هەموو شتێك بە گرنگتر بزانێت، فزووڵێتی سەركوت دەكات. بەڵام ئەو كۆمەڵگەیەی بڕوای بە گەشەكردن و نوێگەری و داهێنان هەبێت، پەرە بە فزووڵی دەدات و دەزانێت كە ئەقڵە پرسیاركەرەكانی خەڵكەكەی بەنرخنرین داراییەكانی پێكدەهێنن". 

لە بەشێكی تری هەمان ئەو پێشەكیەدا دەڵێت"فزووڵێتی بە حەزكردن بە كنەكردن دەستپێدەكات. لەسەرەتای تەمەنەوە، حەزی زاڵبوون بەسەر نەزانراوەكانمان تیادا دەردەكەوێت......". 

بۆ ئەوەی بەشێوەیەكی باشتر لە بیری فزووڵی بگەیت، پێویستت بە خوێندنەوەی ئەم (فزووڵ)ەی دواڕۆژە. 




  • ڕۆژ
  • هەفتە
  • مانگ
created by Avesta Group and powered by Microsoft Azure