تاخێن "الصدیق و 7 نيسان" ل مووسل هاتنه‌ رزگاركرن

هەواڵ / عێراق :: پێش 1 هەفتە ‌ :: 61‌ جار بینراوە

تاگ :: عێراق

دواڕۆژ، بورهان یه‌حیا
شانه‌یا جه‌نگییا ئۆپراسیۆنا رزگاركرنا مووسل خویاكر، هێزێن دژه‌ تیرۆرا ئیراقى ئه‌ڤرۆ هه‌ر دوو تاخێن الصدیق و 7 نيسان ژ ده‌ست چه‌كدارێن داعش ده‌رئینان و نوكه‌ هه‌وا پاقژكرنا مالان لێ دهێته‌ ئه‌نجامدان.


د راگه‌هاندنا شانه‌یا جه‌نگى كو دانه‌یه‌ك به‌رده‌ستێ دواڕۆژه‌ هاتییه‌ "شه‌ڕ و پێكدادان ل هه‌ر دوو تاخێن المالیه‌ و سومر ژى به‌رده‌وامن و چه‌كدارێن داعش زیانێن زۆرێن گیانى و ماددى ڤێكه‌فتینه‌".

ئاژانسا چاڤێ مووسل ژى زه‌لالكر "هنده‌ك ژتاخێن مووسل و ب تایبه‌ت البلدیات ژبه‌ر شه‌ڕ و پێكدادان و په‌قاندنا بۆمبه‌ و هاون و ترومبێلێن مینرێژكرى زیانێن مه‌زن ڤێ كه‌فتینه‌ و ئه‌ڤرۆ ل ده‌مێ پاقژكرن و لێگه‌ریانا تاخێن رزگاركرى ل میحوه‌رێ باكۆرێ مووسل هێزێن ئێمناهیێ كارگه‌هه‌كا چێكرنا بۆمبێن چاندنێ و هه‌ژماره‌كا مه‌زنا چه‌كى ده‌سته‌سه‌ركر".

ئاژانسا چاڤێ مووسل راگه‌هاند  "به‌شێ هه‌وارهاتنا پۆلیسێن فیدرالى  6 ئه‌ندامێن داعش ل تاخێ المیثاق ل باشۆرێ مووسل كو ره‌گه‌زنامه‌یێن سوورى ژى تێدا هه‌بووینه‌ ده‌سه‌سه‌ر كرینه‌".

زێده‌تر هاتییه‌ خویاكرن "كارمه‌ندێن باژێڕڤانییا مووسل ب ترومبێل و ئامیرێن كارى پڕ، جادده‌ و كۆلانێن تاخێن رزگاربوویى كو ژ ئه‌نجامێ شه‌ڕ و پێكدادانان زیان ڤێكه‌فتینه‌ چاره‌سه‌ر و نووژه‌ن دكه‌ن".


  • ڕۆژ
  • هەفتە
  • مانگ
created by Avesta Group and powered by Microsoft Azure