هەولێر: هەڵمەتێك بۆ لابردنی سەرجەم میوەفرۆشانی سەرشەقام ئەنجامدرا

هەواڵ / کوردستان :: 7 رۆژ پێش ئێستا‌ :: 388‌ جار بینراوە

دواڕۆژ، كۆچەر عەلی
قایمقامی هەولێر بە هاوكاری پۆلیسی شارەوانییەكان هەڵمەتێكی بۆ لابردنی زیادەڕۆیی و میوەفرۆشانی سەرشەقامەكان دەستپێكرد و قایمقامی هەولێریش رایدەگەیەنێت، هەر میوەفرۆشێك كاری زێدەڕۆییەكە دووبارە بكاتەوە بەبڕی یەك تا پێنج ملیۆن دینار سزا دەدرێت.

نەبەز عەبدولحەمید، قایمقامی هەولێر بەوەكالەت، ئەمڕۆ چوارشەممە 11ی كانونی دووەم بە دواڕۆژی راگەیاند، هەڵمەتێكیان بۆ نەهێشتنی دیاردەی زێدەڕۆیی لەسەرشەقامە سەرەكیەكانی هەولێر دەستپێكردووە لەهەڵمەتەكەدا سەرجەم ئەو میوەفرۆشانەی سەرشەقامەكان لادەبرێن كە بەشێوەیەكی ناشارستانی لەسەر شۆستە و لەناو شەقامەكان میوە دەفرۆشن.
وتیشی "قۆناغی یەكەمی هەڵمەتەكەدا لە سنوری سەرۆكایەتی شارەوانی شەش دەستی پێكردووە و ئەم هەڵمەتە بەردەوام دەبێت تا سەرجەم زێدەرۆییەكانی سەرشەقامەكانی هەولێر  لادەدرێن هەركەسێكیش دووبارە سەرپێچی بكاتەوە بەبڕی یەك تا پێنج ملیۆن دینار سزا دەدرێت".
نەبەز عەبدولحەمید، ئاشكراشیكرد" لە نزیك ئەو شەقامانەی كە میوەی لێدەفرۆشرێت پارچە زەویەك بە شێوەی كاتی دابین دەكرێت تا ئەوخەڵكە بژێوی رۆژانەی خۆی لێدابین بكات و لە میوە فرۆشتنەكە بەردەوام بێت".   


  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە