لە رۆژێكی وەك ئەمڕۆدا

هەواڵ / جیهان :: 7 رۆژ پێش ئێستا‌ :: 39‌ جار بینراوە

دواڕۆژ    
ـ لە رۆژێكی وەك ئەمڕۆ و لە 11 ی كانونی دووەمی ساڵی 1922 دا یەكەم هەوڵی چارەسەركردنی نەخۆشیی شەكرە بە حەبی ئینسۆلین سەركەوتنی بەدەستهێنا. شەكرە نەخۆشیەكی بەربڵاوی جیهانییە و بەهۆی بەرزبوونەوەی زۆری رێژەی شەكر لە خوێندا دروست دەبێت و یەكێكە لە نەخۆشیە بڵاوەكانی سەردەم كە دەكرێت لە رێی دابەزینی كێش و رێڕۆیشتنەوە لە مەترسیەكانی كەمبكرێتەوە. حەبی ئەنسۆلین لەلایەن پزیشكی كەنەدی فریدریك گرانت بانتنگ-ەوە دۆزراوەتەوە و هەر لەسەر ئەو داهێنانە پزیشكیەیشی لە ساڵی 1923 دا خەڵاتی نۆبڵی پێبەخشراوە. 

ـ لە رۆژێكی وەك ئەمڕۆ و لە 11 ی كانونی دووەمی ساڵی 1935 دا ئەمیلیا ماری ئیرهات بە فڕۆكەیەك كە تەنیا هەرخۆیی تێدا بوو لە ویلایەتی هاوای-ەوە بۆ ویلایەتی كالیفۆرنیای ئەمریكا فڕی و بەمەیش بووە یەكەم ژن كە كارێكی لەوجۆرەی ئەنجامدابێت. خاتوو ئیرهات نووسەر و فڕۆكەوانێكی سەركەوتووی ئەمریكایی بوو. ساڵی 1897 لە دایكبووە و لە ساڵی 1937 دا بێسەروشوێن بووە. هەتا لە ساڵی 1939 دا هەواڵی ئەوە راگەیەنرا كە كوژراوە. 
 
ـ لە رۆژێكی وەك ئەمڕۆ و لە 11 ی كانونی دووەمی ساڵی 1946 دا ئەنوەر خۆجە سیستمی حوكمڕانیی لە ئەلبانیا گۆڕی لە پاشایەتییەوە بۆ كۆماریی و كردیە كۆماری میلـلیی ئەلبانیا. ئەنوەر خۆجە (1908-1985) سەركردەیەكی دیاری چەپی وڵاتەكەی بوو. لە ساڵی 1941 ەوە تا مرد سكرتێری حزبی شیوعی ئەلبانیا و لە ساڵی 1944 هەتا 1954 سەركۆماری ئەلبانیا بووە. ئەلبانیا یەكێكە لە وڵاتەكانی ناوچەی بەڵكانی باشوری خۆرهەڵاتی ئەوروپا.

ـ لە رۆژێكی وەك ئەمڕۆ و لە 11 ی كانونی دووەمی ساڵی 1991 دا كۆنگرێسی ئەمریكا بە زۆرینەی رەهای دەنگی گۆنگریسمانەكانی، دەستی جۆرج دەبلیو بوش سەرۆكی ویلایەتە یەكگرتووەكانی واڵاكرد و چرای سەوی بۆ داگیرسان بۆ بەكارهێنانی هێزی سەربازیی لە پێناو دەرپەڕاندنی هێزەكانی سوپای عێراقی سەردەمی سەدام حسێن لە ناو خاكی دەوڵەتی كوەیتدا. ئەم هەنگاوەی گۆنگرێس دوای ئەوە هات كە هەموو هەوڵ و هەنگاوە نێودەوڵەتی و جیهانی و ئیقلیمیەكان شكستیانهێنا لەوەدا كە سەدام حسێن و رژێمەكەی رازی بكەن بۆ ئەوەی بە ئاشتی هێزەكانی سوپای عێراق لە خاكی كوەیت پاشەكشە پێ‌ بكەن، كە لە 2 ی ئابی 1991 دا و لەماوەی تەنیا دوو رۆژدا تەواوی كوەیتیان داگیركردبوو.  


  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە