ئەو كەسەی دەبێتە رابەری باڵای داهاتووی ئێران

هەواڵ / جیهان :: پێش 1 هەفتە ‌ :: 75‌ جار بینراوە

دواڕۆژ
رۆژنامەی گاردیان-ی بریتانی بابەتێكی شیكاریی بڵاو كردووەتەوە كە لەلایەن سەعید كەمالی دیهقان و بەناونیشانی (ئەو موحافیزكارەی كە رەنگە ببێتە رابەری باڵای داهاتووی ئێران) نووسراوە.

دیهقان لە بابەتەكەیدا دەڵێت"پیاوێكی ئاینیی موحافیزكاری تەمەن پەنجا و شەش ساڵ كە لە دنیای دەرەوەدا كەمناسراوە، وردە وردە ئەستێرەی ناوی دەردەكەوێت بۆ ئەوەی ببێتە كاندیدی سەرەكیی بۆ رابەری باڵای ئێران".

ئەو پیاوە ئاینییەیش ئیبراهیم رەئیسی-یە كە سەعید كەمالی دیهقان دەڵێت سەرۆكی گەورەترین و دەوڵەمەندترین دامەزراوەی خێرخوازییە لە جیهانی ئیسلامیدا و دامەزراوەكەی بەرپرسە لە بەڕێوەبردنی گرنگترین مەزارە پیرۆزەكانی ئێران.

گاردیان ئاماژە بەوەدەدات ئیبراهیم رەئیسی ئامادە دەكرێت بۆ ئەوەوی جێگەی ئایەتوڵا عەلی خامنەیی رابەری باڵای ئێستا بگرێتەوە كە تەمەنی 77 ساڵە و باری تەندروستیی خراپە، ئەگەرچی هەتا كۆچی دوایی نەكات هەر لە پۆستەكەیدا دەبێت.


  • ڕۆژ
  • هەفتە
  • مانگ
created by Avesta Group and powered by Microsoft Azure