بەغدا.. باوکێک لەبەر نەبوونی هەوڵی کوشتنی منداڵەکانی دەدات

هەواڵ / عێراق :: پێش 1 هەفتە ‌ :: 57‌ جار بینراوە

دواڕۆژ، عیماد جەباری
ئەمڕۆ سێشەممە 10ی كانونی دووەم، هێزێكی سەرۆكایەتی كۆمار لەبەغدا كە لەسەربازانی كورد پێكهاتوون و ئەركی پاراستنی چەند ناوچەیەكی جادریەیان لەئەستۆدایە، دوو مێردمنداڵ  لەمردن رزگار دەكەن كاتێك لەلایەن باوكیانەوە هەوڵی كوشتنیان دەدرا.


بێستون نەجات، یەكێك لەو سەربازە كوردانەی خەڵكی كەركوكە و رزگاركەری منداڵەكانە بە دواڕۆژی راگەیاند، كاتژمێر 3:15 خولەكی بەرەبەیانی ئەمڕۆ كاتێك بۆ پاراستنی ناوچەكە لەسەر پردی جادریە بوین، پیاوێكمان دەستگیركرد كە دەستی دوو منداڵی گرتبو دەیویست فڕێیانبداتە روباری دیجلەوە.

وتیشی "پاش دەستگیركردن و لێكۆڵینەوە لەگەڵ پیاوەكەدا كە دەركەوت باوكی دوو منداڵەكەیە، دانی بەوەداناوە بەهۆی خراپی بار و گوزەرانییەوە ناتوانێت چیتر منداڵەكانی بەخێوبكات و منداڵەكانیشی خەرجیان دەوێت و ویستویەتی بەیەكجاری خۆی لێیان رزگار بكات".

بێستون نەجات، ئەوەشی خستەڕوو كە منداڵەكان یەكێكیان كچ بوە بەناوی (بەسمە) و ئەوەی دیكەشیان كوڕ بوە بەناوی ( یەحیا) لەگەڵ باوكیاندا رادەستی هێزەكانی پۆلیس كراون تاوەكو ئەوان رێوشوێنی تایبەتی خۆیان لەسەر بابەتەكە بگرنەبەر.

 

وێنەی دوو منداڵەکە لەگەڵ سەربازە کوردەکەدا کە رزگاریکردوون


  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە