"قه‌یرانێن دارایی و سیاسی به‌شكێ زارۆكان ژ قوتابخانه‌یان دوورخستینه‌"

هەواڵ / ئابوری :: پێش 1 هەفتە ‌ :: 46‌ جار بینراوە

دواڕۆژ، بورهان یه‌حیا
سه‌رۆكا لژنه‌یا كاروبارێن جڤاكی ل په‌ڕله‌مانێ كوردستانێ خویاكر كو؛ ژبه‌ر قه‌یرانا دارایی و ڤێ دوماهیێ قه‌یرانان سیاسی پرۆسه‌یا ژنئینانێ به‌ره‌ڤ كێمبوونێ چۆیه‌ و رێژه‌یا جودابوونا هه‌ڤژینان ژی زێده‌بوویه‌.


گه‌شه‌ دارا جه‌لال سه‌رۆكا لژنه‌یا كاروبارێن جڤاكی ل په‌ڕله‌مانێ كوردستانێ بۆ دواڕۆژ زه‌لالكر كو؛ "ب گۆره‌ی وان ئامارێن ژلایێ په‌یوه‌ندیدارڤه‌ دگه‌هنه‌ په‌ڕله‌مانی دیار دبوویه‌ كو پشتی هاتنا قه‌یرانێ كێشه‌یێن جڤاكی به‌راورد دگه‌ل به‌ری قه‌یرانێ زۆر زێده‌بووینه‌ و ڤێ چه‌ندێ دێ به‌رده‌وامییا نه‌سلی كێم كه‌ت و بێ هیڤیبوون لجه‌م گه‌نجان په‌یدابیت".
ناڤبۆری دا دیاكرن كو؛ "ژبه‌ر جودابوونا هه‌ڤژینان زارۆیێن وان تووشی بێزاریێ دبن و گه‌له‌ك ژ وان قوتابخانه‌ بجهـ هێلاینه‌، چونكو قوربانی كێشه‌یێن مابه‌ینا سه‌میانێن خۆ بووینه‌ و هه‌تا مانا وان د ماله‌كێ دا ژی نه‌هاتییه‌ ڤه‌بڕاندن و ب ڤێ چه‌ندێ دێ كاریگه‌ریێن درێژخایه‌ن لسه‌ر وان و كه‌سایه‌تییا وان هه‌بن".
گه‌شه‌ دارا ئاماژه‌كر كو؛ "قه‌یرانا دارایی و سیاسی رێك ل چاره‌كرنا كێشه‌یێن جڤاكی گرتییه‌ و ل پله‌یێن دوماهیێ لێ دنێرن، هه‌تا وی رادده‌ی كو حوكمه‌تا هه‌رێمێ ب رێكا وه‌زاره‌تا كار و كاروبارێن جڤاكی مووچه‌یێ خێزانێن هه‌ژار و به‌شه‌ك ژ په‌ككه‌فتییان بڕینه‌ و هنده‌ك ژی زێده‌ گیرۆ بووینه‌".
سه‌رۆكا لژنه‌یا كاروبارێن جڤاكی ل په‌ڕله‌مانێ كوردستانێ زه‌لالكر كو؛ "ده‌ما بۆ چه‌ندین جاران زارۆ نه‌شیا حه‌ز و ڤیانێن خۆ بجهـ بینیت به‌ره‌ به‌ره‌ دێ كاریگه‌ریێن مه‌زن لسه‌ر ده‌روون و كه‌سایه‌تییا وان په‌یدا كه‌ت و ل درێژخایه‌ن كاره‌سات دێ ژێ په‌یدا بن و جڤاكه‌كێ نه‌خۆش و لاواز به‌رهه‌م هێت".


  • ڕۆژ
  • هەفتە
  • مانگ
created by Avesta Group and powered by Microsoft Azure